Damɔlega

Damɔlega de la daam n boi Bolga so'olum puan. Ba tari la kɛ sɛ̃ta bu. Fu san bɔta ti fu sɛ̃rɛ dãmɔlega, fu nari ti fu doose la folesi'a n gã tilen wa.

1. Dikɛ kɛmɔlega lusɛ kɛ
2. Tari kɛ la siŋɛ ta neem.
3. Fu nya wan salekɛ daam la
4. Tɛ daam la ti fu salekɛ la
5. Bi'isɛ bu dee nya duŋɛ
6. Fu san duŋɛ ba'asɛ ti fu nya puresɛ bu lee daam yugelesi puan eŋɛ dãbilɛ dɔ̈
7. Dikɛ ze'ele ti bu kele dee ti fu nya nyu

Damɔlega wa sɛreka puan tari la sɛla ti ba yi'ira bisi, dãbilɛ, dãpule'ero la tɔkatɔka.

Bisi de la sɛla ti ba tɛ yese daam la puan la.

Tɔkatɔka de la sɛla ti ba silikɛ ti kɔma ta'an nyuura dee ka bugera la.

Dãbile de la sɛla ti ba ni dikɛ eŋɛ daam la puan ti bu kele la.

Dãpule'ero de la dãsebo n ka kele la.

Dãmɔlega wa ti farefari duma tara bɔ'ɔra kuuma bɔna ku'a puan. Ba kelum tara bu bɔ'ɔra kaareba bii nɛreba san ni ta lagesɛ ti ba eŋɛ se'ere. Hali sɛba me nya kɔ'ɔm tara bu kɔɔsa me ti la dena ba nu'usi tuuma.