De'eno Buuri Buuri n Boi Booŋo So'olum Puan

Ze'ele Wikipiidiya

De'eno Buuri Buuri n Boi Booŋo So'olum Puan. Booŋo de la tiŋa n de suma'asum tiŋa bɔna Upper East wa, Gaana timpaberɛ wa puan. Tiŋa san bɔna tɛra dee mina ka buuri malema duna, dɔla ka buuri malema la n nari se'em la, tinkaŋa ti ba wi'ira ti suma'asum tiŋa. Yele ana wa wuusa ka koŋɛ Booŋo. Booŋo de la nɔŋerɛ tiŋa, pupeelum tiŋa, la de'em de'eneba tiŋa.

De'eno buuri buuri n boi Booŋo so'olum la puan. Magesɛ wuu; gulo/ lusi, nansãsi wa'a, sɔlema soleŋo, nu'usi pa'a, abooŋo booŋo ŋmɛ'an, yɔŋɔ wa'a, diia, bĩma ŋmɛ'an, la kɔlɔ ŋmɛ'an.

De'entuna de'eni bɔ'ɔra Bɔɔsi la pupeelum, suma'asum, la timmaalegɔ. Ba doli de'eno wa puan dita pɔgesi, sɛba doli bini nyɛta la ligeri, sɛba nyɛta zɔduma, sɛba nyɛta nyɛlum. De'entuna kelum kɛmesa la asaala iŋa ti tɔregɔ ka ba'am paara ba kalam.