Gu’urɛ:

Gu’urɛ de la sɛla n wani tia zuo ti a tara bɔgesi siyi ti ba ni go’ose ta kɔɔsa da’a puan ti nɛreba da’ara maala ba buuri malema yɛla. Farefari duma ni dikɛ la gu’urɛ la pa’asɛ taba la daam la kiini puan kina bɔta pɔka. Daami budanya’asi la pɔgenya’asi la dia kankaŋi yuum de la gu’urɛ. Ba yuum ni isege bulika nyɛ gu’urɛ basɛ nuuren gee yɛsera tuuma puan, ba ka le ɛɛra dia. Gu’urɛ la de la sɛla n bɔ’ɔri paŋa gee pikera nini. Fu san paɛ Nageeria tiŋa puan gu’urɛ de la ba buuri yelemaalegɔ yele kankaŋi bɔ’ɔra ba. Saana san paɛ fu yire, Farefari duma ni bɔ e la ko’om yia gee Nageeria duma ni bɔ la gu’urɛ yia gee nyaa ta’am sɔ͂sera.