Gurenɛ Dakerɛ(poem )
BENI GUUM N BALA
Binya'a vo'ose mɛ.
N ma, beni guum n bala? ti fum kɔ'ɔm gisera ka isegera ti mam kɔ'ɔm yi'ira ti fu ka sakera Fum ka baŋɛ ti beere yilegɛ ya ti mam tɔgera ti fu sina.
N ma, bisɛ kom la konyuuro n tari mam se'em.
N ma,fu kan isege dikɛ n dia la bo mam
Binya'a vo'ose mɛ.
N ma, beni guum n tugum bala? Isege bisɛ wuntɛɛŋa n zom se'em.
Kɔ'ɔm gisera ti niku kana? Isege bisɛ fu zinzaka la n ani la sɔgerɔ se'em.
Wuntɛɛŋa n paari fu la.
N ma, isege bisɛ nɛreba wa Ba tɔgeri wa fum ka wuni?
N ma,guum yelemɛŋerɛ ti tuuma kɔ'ɔm gã ti fu me gã Fu ma'ana la, fu kan gu'use? Fu bitɔ la,fu tam mɛ?
N ma, n dikɛ fu nanzu'usi la diilɛ bɛsa? Gee fu suma la ti piisi kɔ̃ɔra sa la?
N ma! N ma! N ma! N ma! Fum sirum giseri mɛ wa? Kɔ'ɔm gã gee ka lɛbegera nu'o? Kɔ'ɔm gã ti konyuuro ka tara fu? Kɔ'ɔm gã ti fu kom me ka duna? Binya'a vo'ose mɛ.