Koka'arɛ

Koka'arɛ. koka'arɛ dela farefari duma buuri pu'usegɔ ti tu pu'usera dɔla tu sɔduma, maduma, ki'induma yaabeduma la tiŋama puan bɔ'ɔra naba Awinɛ fara dee zusera ti puti'irɛ yɛla Winɛ zi'an ti a me dɔla bilam maala tɔ. Tu me ta'am kelum yeti:koka'arɛ de la sira sakerɛ bii pu'usegɔ sore ti Atibirefareŋa buuri pu'usera bɔ'ɔra Ndugema Naawinɛ dɔla tu sɔyaabeduma nu'usin. Koka'arɛ lɔgerɔ n de seto ŋwana:

Ko'om,zonko'om,zompuko,nɔɔsi,ki'ini,dawema,ligepɛɛlega,nanzu'usi,daam la duusi magese wuu ,buusi,piisi,la nii.

Farefari buuri puan tu ka'ari ko'om la bulika la Za'anurɛ dee la San dɛna ba'a yele ba ta'am ka'ɛ wuntɛɛŋa magese wuu pɔka San yeti ka dɔgɛ de ti la Nara ti ba ka'ɛ dee ti ka nyaa dɔg

Lɔgeseto n boe ko'om ka'arɛ puan dela (1) ko'om (2) zom (3) Nua(4) duŋa( bua,pesego,baa,naafɔ,)(5) Daam, su'a, la bagerɛ wula.
koka'arɛ n tigese la nuurɛ tunaasi

(1) Guum ni'irɛ (2) puti'irɛ bu'a (3) zusega (4) ba'asegɔ Guum niirɛ Kala dela fu n gure wula la zonko'om nyaa saleŋɔ bii wi'ira fu sɔ bii ki'induma ti ba San yese la ɛɛre ba lebena selese putise'ere ti fu tara ti fu bo ba.

     Magese wuu.

Sɔ ko'om ka'arɛ ma'a(Libation Text)

Nsɔ Aduŋɔ! Siege saazuo To'e ko'om wa la de la guum n ka gise gone(yire)wa puan Bala ti mam bɔ'ɔra fu ko'om wa Tara paɛ yaaba Agambarɛ Ti ya paɛ Amileba Paɛ Asa'areba Ti ya lagum zom winum ti guum bo tu

Tumam bunvɔɔsi ka mi sɛla La de yamam n mi Wuntɛɛŋa la yu'uŋɔ ɛɛreba Peŋe a ani teem basɛ fɔw! Bunvua San tara gu'usi muŋa Sina ti a vugele nɛra zuo gone(yire)wa puan Iŋɛ paŋa la fu dikɛ tu a daana La San sirum dɛna la bunvua nuo n pagɛ bim Dee Davina la yama n boti sɛla Zalɛ a daana bugum Dee fum mina n zalɛ Mia bugum nyɔgera yo-im San paɛ dɔgi'a bugum fu man basɛ

To'e ko'om mean la pɛɛra(nua)wa Basɛ ti beers ta yilegera la Ti balum(bia)miŋa lebege yoore koma'asega Ti fu Berne(bua)ze mɛ Basɛ ti guum gise goonewa puan Ti tu da le sum zuo la pua Basɛ ti nyanɛ la vi do ba duma Ze'ele ba duma wuntɛɛŋa puan To'e fu ko'om miŋa n bala.