Koose maalego

Koosi/wɛɛna de la disɛka ti tu tara tɛa zom maala. Koosi/wɛɛna wa la pu la buyi, koma'asa la kopigesi. Tu me ta'am kelum dikɛ suma zom maalɛ koosi/wɛɛna wa me.

Lɔgeseto ti tu tara maala koosi/wɛɛna wa la de la: Zom (Tɛa bii Suma), kaam, koosi laa, Bi'a, koyaasega, bugum, buntuuta, yaarum la ko'om.

Fu ni dikɛ koosi laa la ti solemiisi wi'ira tii, suspan la dugelɛ la bugum puan dee iŋɛ kaam iŋɛ koosi laa la puan dee/gee maala bugum la ti bu dita fii fii. Fu nyaa wan iŋɛ tɛa zom la iŋɛ ko'om n makɛ ma'an puan dikɛ nu'o bii vugere bum dee nyaa ŋmɛ zom la bii fu dikɛ vugere mɔna bu ti bu ta fuke. Bu san fuke ti fu iŋɛ bu fii iŋɛ kaam la puan, bu san puga zuon pa'alɛ ti bu fuke ya dee bu san tisege tiŋa la pa'alɛ ti bu ka fuke bii Kaam la n ka tulegɛ see ti fu le ŋmɛ pa'asɛ ti ba ta fuke de ti Kaam la me tulegɛ ti fu nyaa dikɛ bi'a du'usa fii fii ita kaam la puan. Dee ti fu baŋɛ iŋɛ bu iŋɛ kaam la puan, see ti fu basɛ ti kaam la kɔrɛ dee ti fu nyaa baŋɛ du'usɛ koosi la. Bu san ta kɔrɛ fii ti fu lebege bu ti sapagedini me bi'e ti fu nyaa dikɛ koyaasega la yaasɛ koosi la iŋɛ laasi puan ti nɛreba nyaa dita.