Sika malema

Gureŋɔ sɔ'ɔlum puan ba san dɔgɛ Bia dikɛ dabesa atã daarɛ ti ba sigera Bia yu'urɛ ka san dɛna budibela, ka san dɛna la pugela ba sigeri ka la dabesa anaasi daari. Di daarɛ ti bia la ka ma la nyaa yɛsera Yiŋa. Ba ti'isɛ ti ba san ka iŋɛ sika malema la gee ti pɔka la tara bia la bɔna yiŋa, nɛreba wan tari zubeo, bã'asi bii nɔŋɔ la yeletooro wa Ki'isɛ bia la. Bia yu'urɛ sika daarɛ bii yiŋa yɛsega daarɛ la, pɔgenya'aŋa n ne gã isege bulika yu'uŋen yu'uŋen tare bia la ka ma yese yiŋa doose pɔga la sɔ Yire sore ta paɛ Zi'an ti sadɔpuuma bɔna. Ba wan dikɛ sɔɔrɔ pue tu biŋɛ dikɛ sawɛɛŋa dagelɛ iŋɛ tampɛgelum yugese. Pɔgenya'aŋa la wan le tari bia la ka ma la lebe kɛ deo.

Bia la sɔ bii yidaana bii se'em n nari ti a mɔɔlɛ ka yu'urɛ la nyaa wan yi bia la yu'urɛ. Zina beere wa malen ana nyaa ani wuu ye ki'ira la vuuren la. Bɛm zo'u ti Yinɛ pu'usegɔ (krista kɔma la maaleduma pu'usegɔ) la nyaa kɛ buuri yɛla la gaŋɛ ti sɛba kele dɔla buuri malema.