Wasa

Tiŋa woo tari ka dia me n boi ka tɔka. Bala me nuu ti farefari duma me tara ba diisi buuri buuri. Dia ka yima n boi farefari diisi wa puan ti nɛreba zo'e zo'e ka tɛra ka yele de la wasa.

Wasa de la dia n ani wuu sagebɔ la amaa bu dagi sagebɔ. Wasa boi me dee ti sagebɔ me bɔna. Ba ŋmelekeri wasa me amaa ba me mɔm sagebɔ me. Ba yuun ni dikɛ la zom nyããma ŋmelekɛ wasa. Amaa nanawa ba pugum nya tara zom baala ŋmelekera wasa gana zom nyããna. Kuremesa ti kɔm kaŋikaŋi yuun bɔna la ti diima ne kɔ'ɔm dikɛ zom eŋɛ kotuuleka puan ŋmelekɛ ze'ele ti ba taa zɛɛra ti ba walesɛ faa ba mesi basɛ la kɔm. Wasa dagi sagebɔ dee fu san yeti sagegãgerɛ n de wasa, fu ka ba'ɛ tue sɛla sɛ la wasa ka tari ziiro. Back san ni ŋmelekɛ wasa ba'asɛ ba ni kɔ'ɔm bagesɛ la yaarum la namzu'usi ka'ɛ mi nya iŋɛ kaam nyue. Hali kaam san ka bɔna ba ta'an ni pugum obe ba bala. Wasa de la dia ti ka duka ka tɔi.