Yɔɔ

Yɔɔ dee ti solemiisi wi'ira tii Grave la. Yɔɔ bii Yɔɔrɔ dela boko bii bogero ti farefari duma malem ba malema dee tu tara e bii ba tara laara ba nɛreba bii nɛresɛka n ki ti ba tari ka laa bini. Ba ni tu a nuurɛ la pika pika dee siŋe tiŋa tu e yalegɛ ti nɛra wan ta'am ga'arɛ. Ba ni san laɛ nɛra ba'asɛ, ti ba ni dikɛ kugere lige bii lile yɔɔ la nuurɛ. Ba san ni yeti ba tu yɔpaalega bii yɔpɔɔlegɔ, ba ni yese la bɔgerɔ dee ta'am tu yɔɔ la. Sɛla iŋa ti ba yɛsera bɔgerɔ dee tu'ura yɔɔ la de la, Ba ni yese ti ba baŋɛ a boti yɔɔ bii a ka boti, ti ba kelum baŋɛ yɔɔ la n nari ti a bɔna zi'a (dabosɛka zuo), ba me ni kelum yese ti ba baŋɛ la yelesi'a n boi ti ba nara ti ba malum dee ta'am tu yɔɔ la, la n boti sɛla ti ba ku bo e dee ta'am laɛ e yɔɔ la puan. Ba ta'am ni ku pɛɛra, Dusi la ba zo'e zo'e malem malema la dee ta'am tu bii laɛ kum la. Ba san ta malena malema la daboo la zuo dee ti fu ka dɛna bayaa, fu kan ta'am lagum di bii obe sɛla la sɛla ti ba ku bii dugɛ yɔɔ la zuo. Ba me san tu'ura yɔɔ la daboo la zuo dee ti fu dagena bayaa, fu ta'am lagum tu'ura yɔɔ la.