Zuarungu Market

Zuarungu Market (Zuwɔgerɔ Da'a).

Zuwɔreŋɔ de la tiŋa n boi Gaana saazuo bɔba so'olum la. Tiŋa wa de la 'Bolgatanga East District' tinkãtɛ. Zuwɔreŋɔ nɛreba pa'asɛ la Farefari buuri la puan ŋwana wa zuo, ba tɔgere la Farefari.

Zuwɔreŋɔ la tari da'a ti ba yi'ira Aputi'irɛ Tu'an. Sɛla zuo n sɔi ti ba yi'ira da'a la Aputi'irɛ tu'an la de la, tu'a n ze da'a la puan ti tu'a wa tiŋa ti da'a la pi'ilum.

Gee da'ariba la koosiba yeti bama yeti ba dikɛ la ba puti'ira paa basɛ tu'a wa tiŋa gee bisɛ nyaa ba wan nyɛ la beem. Gee bala ma'a la, daam la taba koosireba n yuum ne zi'an tu'a la tiŋa. Dini zuo ti yu'urɛ la yarum lebege Aputi Tu'an'

Lɔgerɔ zo'e zo'e ti ba koosa gee da'ara Tu'an. Magesi wuu dia buuri buuri (naara, zɛa, kimɔlega, kareyɛŋa, mui, tɛa, suma, sukaam, yubento la pɛ'ɛsa), zɛvuurɔ n de bitɔ, bɛresi, nangina, aleefi la ayooyoo.

Dagi bala ma'an gee fu ta'am da ziirɔ lɔgerɔ buuri buuri bini. Magesi wuu yaarum, nanzu'usi, kɔlegɔ, kamɛŋemɔ, niri, ba- ura, sama, kunkɔnɔ, ma'ana, la saalum.

Le pa'asɛ, dia zo'e zo'e boi bini mɛ ti fu wa ta'am da di. Sisesi de la: Gaarɛ, sagebɔ, suma, mui dia, kulikuli, koose, ma'asa, dokunu,

Tinsi zo'e zo'e n boi Zuwɔreŋɔ puan ki'ira Zuwɔreŋɔ da'a la.

Tinsi sisesi n ŋwana; Dabooren, Nyɔkukɔ, Kangoo, Kataŋa