Abeereto'e

Abeereto'e de la farefari buuri yu'urɛ. Abeere to'e yu'urɛ wa sigɛ dɔla la yu'urɛ wa "Ana'amdiŋo" puan.

Ana'amdiŋo vuurɛ de la, bii farefari buuri na'am dia puan, tu tari yizuo seko n sum ti ba di tiŋa la puan na'am mɛ, la yizuo n kan ta'am di bii lɛgɛ na'am la. Ti budibela san ta bɔna la na'am yizuo la puan, ti yizukuna duma kɔ'ɔm pɔsera dina e ŋwana bura bura. Hali, parena sɛla ti a pugum ka tabelɛ iŋɛ de a vom puan dugela a zuo. Yɛsera la, ba mi suŋa suŋa ti a pɔri ti a ta'am di bii lɛgɛ na'am la mɛ zuo. Ti la nyaa ta lilege peelumin bo e ti diŋo la de la na'amin la zuo n sɔi. Ti a nyaa dɔgɛ a bia sigɛ ka yu'urɛ Ana'amdiŋo. Ti la pa'alɛ ti, na'am la zuo ti ba dina eŋa.

Ti a nyaa le dɔgɛ Ana'amdiŋo la pooren le sigɛ bikaŋa me Abeereto'e. Ti yudina me vuurɛ de la, ba n di ni eŋa na'am la zuo la, eŋa wan di na'am gee ti eŋa bia me beere wan kelum le to'e na'am la le pa'asɛ.

Ti bikaŋa me yu'urɛ nyaa dɛna Abeereto'e.