Abugerɛ
| Native label | Abugerɛ  |
|---|---|
| Language of work or name | Gurene |
Abugerɛ de la farefari buuri yu'urɛ. De vuurɛ n de se'em Dua tiŋa n boi Booŋo so'olum, Upper East region de la, Ba yaaba la n yuum ta wa'am na zi'ita Booŋo so'olum la puan la, ka yuum ka tari pɔga.
Gee ti Boonaba n yuum dikɛ a poyuah bo ka, ti ka me yuum tari pugela la paɛ ka ki'a zi'an la, me nyaa sigɛ ka yu'urɛ Asumbunɔ. Ti la pa'alɛ ti, eŋa itegɔ zuo ti ba dikɛ pɔga bo eŋa, eŋa sum la bunɔ n bala. Ti Asumbunɔ la n yuum ta kuregɛ gee basɛ ba. Ti ba me yuum mɛ ka ze'ele kãabera ka, yɛsera la ka n yuun boi la ka yuum de la pupɛɛla tiŋa la puan. Ti ba n yuum mɛ ka ze'ele la, ba nyaa yuum yi'iri di la "Bugerɛ". Ti fum mina n yuum ni ta di fu pɔga, ti ka ka bɔta ti ka zi'ire yɛsera la piileba bii ka nyɛ la sɛla yire la puan n sɔi, ti fu nyɛ la ka pɔgenlɔkɔ bii ka inya lɔkɔ paɛ Bugeren la, ba wan kã bo pɔgeya'aŋa la(Bugerɛ/Asumbunɔ) ti pugela la lebe wa zi'ire la fu.
Dagi bala ma'a. Gee, fum mina n yuum kelum dɔgera ti la lɛbera bii fu pugum kan ta'am n wan nyɔkɛ la puurɛ gee wan tɔgera ti fu dɔgɛ bia. Fu san paɛ bugeren la, ba wan kã bo bugerɛ la gee biŋe nuurɛ bo fu ti fu lebe kule nyaa ta dɔgera fu kɔma.
Dagi la diimi sa la, gee la kelum bɔna mɛ tari wa paɛ zina beere wa.
San dagena la Na'ayinɛ n kɔ'ɔm mɔŋɛ fu dɔgebɔ ma'a. Gee, la san dɛna la duniya wa zuo kundɔgebɔ, bugerɛ la wan basɛ ti fu dɔgɛ fu kɔma paɛ fum n boti se'em.
Bala la zuo la, fu san dɔŋɛ bia la, fu ta'am dikɛ siŋɛ bugerɛ, ti ka yu'urɛ nyaa dɛna Abugerɛ.
Abugerɛ vuurɛ n de se'em Dua tiŋa puan n bala. Abugerɛ ta'am dɛna pugela bii budibela yu'urɛ mɛ.