Adabɔya

Adabɔya de la so'olum n boi Booŋo tiŋa dɛna timbila bɔna Upper East Region. Adabɔya de la timbila n boi Booŋo so'olum. Adabɔya tiŋa duma de la kaareba dee me kelum tara karekipa. Kaareba wa zo'e zo'e va'am boi la goo bii goto. Adabɔya tiŋa wa me tari la timpigesi ti si dɛna:Adabɔya kunkoen,Tindonboko,Tindoŋɔ ,Asedugerɔ, Abenabaduunɛ, Abaata'aŋe, Akutabuŋɔ, Yipaala la Nayire dee ti ba sɛba wi'ira ti Atɔgoŋe sɛla n sɔi la de la tukatɛ n ze zi'an kayima ti ka wile kayima goŋe bala ti ba yarum dikɛ yu'ure la bo ka yeti Atɔgoŋe.

Atɔgoŋe yuum de la zisɛka ti ba yuum ita lagesegɔ zo'e zo'e magese wuu ,timaalegɔ yɛla , gɔmena naditiba zi'irego hali la imma'asum weleŋo duma kelum yagela kɔma bini mɛ ti ba ni ŋwɛ gi ti kɔmayalegegɔ.

Adabɔya yuun tari la da'a ti ka yu'ure dɛna gurima da'a dee ka yuun bɔna bɔna ka sa'am mɛ bii saaɛ mɛ. Dee nananewa Adabɔya duma nyaa tari da'a mɛ ti ka bɔna yipaala ti ba wi'ira ka ti Adabɔya da'a. Adabɔya da'a,Booŋo da'a la Bɔlega da'a lagum ki'ira la daarɛ kayima.ŋwana basɛ mɛ ti sɛbaduma n leeberi la da'alɛ suŋa suŋa sɛla n sɔi la ba ta'am ni da nuusi Adabɔya kiŋɛ Booŋo da'a ta koose.

Booŋo so'olum naba n de Na'am Bilia-Belum-Kiima-Lem-Yarum (Boonaba) n de mina n boberi Adabɔya duma na'am. Nɛreseba n tabelɛ di na'am Adabɔya n ŋwana: