Aguy one Aba'anɛ

Aguy one de la bambaana n ŋmɛ'ɛra kɔlegɔ ti ba yaaba la ze'ele zuwɔreŋɔ dee ti ba nɔgɛ ta bɔna Nyaarega tiŋa la puan. A yumɛŋerɛ de la Aba'anɛ dee ti a yuuma yu'urɛ dɛna Aguy one la. Ba yuum de la liiba sigena ti a tadãana la lebe Winɛ yire de gee e ti ba nyaa ba e, ba la zuo ti ba nyaa wi'ira e ti Aba'anɛ la.

A yuum ni ŋmɛ'ɛra la kɔlegɔ dee yuuna dee baana e boi Farefari yetɔgum puan. Aba'anɛ yuum pɔsɛ dɛna la bambaana, baana basera nɛreba ti ba gɔ'ɔsera sukaam. A yuum baani la bala ti a Abureya Adabiire dee ti ba wi'ira e ti Abagena sambo la yuum nyaa ta nyɛ e ti a boi bini baana mɛ ti a yele e yeti a tari la kunkonyɛlega nara ti a yuuna ti nɛreba dɔla bini tɛɛra ba puti'ira tuna sɛla e ani suŋa bii a ka'ana nɛreba.

Ba yuum doose la bilam ta mina taaba ti ASambo me yuum nyaa pɔ̃bɛ kɔlegɔ bo Aba'anɛ ti a ŋmɛ'ɛra, ŋmɛ bala ta paɛ zina dee kelum ŋmɛ'ɛra. Aguy one tari pɔga la kɔma mɛ dee a me kelum tara kɔma mɛ ba kɔlegɔ ŋmɛ'a la puan ti ba me lagum po ŋmɛ'ɛra kɔlegɔ,

Ba kɔlɔ la ŋmɛ'a puan, Dua Abagerɛ Bola n de a bikiima, tagela zɔkɔ Adiŋo Atoobɔya, Via(vea) Ayimbiire la Abayaa n ze'ele Gambibego. A ba'anɛ ŋmɛ yuuma zo'e mɛ yele yele wuu "Ba dikɛ nasa wi la duŋa" lagum pa'asɛ la a yuumkɛgesi la puan dee "Mam kirebi la a leluuya yire" la n nan de a yuumpaala. Aguy one duma de la nu'usi siyi duma ti a yima la loe lebe de dee a Aguy one basɛ, bala n sɔi ti ba wi'ira e Aba'anɛ la.