Akolebire

Akolebire de la farefari buuri yu'urɛ.

Bii bakolego vuurɛ n de farefari buuri bagerɛ ti budibela n bi paɛ ti ka dɛna budaa bii n wan ta'am malum budaanɛ malema yuum dita bii ŋmata ka. Fu ta'am ŋma ka ze'ele bii fu ŋma ka bugera.

Bakolego wa me de la bagesɛka ti fu san ŋma ka gee dɔla ka ŋwana nima nima, yele yele wuu fu san mina ka n boti sɛla la ka n ka boti sɛla, ka ni suŋera fu mɛ ti fu nyɛta fum, fu yire la fu buuri za'a yɛlese'ere n kini na tara sum bii be'em. Gee ti maalegɔ bii gu'a san bɔna ti ya maalɛ ti la ta'am wa'am suŋa bii la gu de.

Gee fu sɔ bii buuri la san ŋma bakolego la gee ti ba dɔgɛ bilia yire la puan, ti bakolego la san to'e bia la, gee ti Akolego san diŋɛ bɔna yire la puan, la sum mɛ ti fu sigɛ bia la yu'urɛ kelum lebese bakolego la puan nuu.

Akolebire de la budibela yu'urɛ farefari buuri puan, ti bakolego san to'e.