Aniipɔ'ɔya

Farefari yu'ura asi'a ni dɛna la puti'irɛ yu'ura. Nɛra ni ta'am ta sigera a kɔma yu'ura yɛsera la beensɛka ti ka bɔna.

Magesɛ wuu, nɛra san dɔgera bipugeto paara siyi bii sitã. La pa'alɛ ti a duma beere wan nyɛ nii mɛ. Yɛsera la farefari buuri puan, bipugela san zo'e seke ɛlega, hali ka ta'am pugum kan seke ɛlega gee ti ka dɔgeriba dikɛ ka ta ŋmɛ tampugerɛ.

Bala la pa'alɛ ti ka dɔgeriba la wan nyɛ nii.

Bilam puan, bii dɔgeriba la n dɔgɛ pugela ayima, bayi ta paara batã puan la, ba ta'am sigɛ ka yu'urɛ Atigenii. Beni zuo, bipugela tuunɛ de la ka ele sira ti ka dɔgeriba to'e nii.

Ti ba san le dɔgɛ Atigenii la pooren, ti kaŋa me le dɛna pugela, ba ta'am kelum sigɛ kaŋa me Azibisa. Ti la pa'alɛ ti eŋa tigɛ la nii gee nyaa zɛa bisera a nii la. Ti bikaŋa yu'urɛ nyaa dɛna Azibisa.

Gee, la san ta le iŋɛ pakerɛ ti sɔ la n ti'iseri ni ti iŋa wan nyɛ nii zo'e gee nyaa zɛa bisera i la, gee ti a kɔma la kelum nan ka ɛla yɛsera la ba zameseri la nu'usi tuuma bii ba nan kini la sukuu nanta, gee ti a le nyɛ bipaalega(bilia) ti ka dɛna pugela le yɛ'ɛsa, yɛsera la a puti'irɛ n ti'isɛ se'em ti a wan nyɛ ni nii kalam gee nyaa zɛa bisera a gee ti ba me nan ka ele la, a ta'am tee sigɛ bikana me yu'urɛ ti "Aniipɔ'ɔya"

Yɛsera la si n nan ka yɔi ɛlega la zuo.