Apusɛrega

Apusɛrega de la tankatɛ m boi Booŋo tiŋa puan ti nɛreba zɔna ka zuo bisera dee zamesera yɛla ti ba ka nyɛ kurum ba vom puan. Taŋa la kãŋerɛ mɛ paa ti fu sam bɔna Booŋo zuɔ bee a gɔbega nu'o, fu duma wan kelum nyɛta taŋa wa. Tansi wa sisesi kuusi voole mɛ wuu lusi la. Bala la, nɛreba ze'eti Satinsi zɔna bini mɛ ti ba yeem ta bisɛ tansi wa n ani se'em. Ba na ta ŋmɛ'ɛra si mɛ gee wa'ara pɔgenɛ. Zi'an kayima n bo bini ti nɛreba la kelum kina sɛregera. Zi'an kayima kelum bɔna tansi la zuo ti ba wi'ira ka ti Agaafara yoken. Yoko la ani la pika pika ti nɛra sam bɔta ti a kɛ̃ ku puan, seti a yeti'gaafara ti e tole' dee ta'am kɛ̃ ti Yoko la puan, bala zuo ti ba wi'ira Yoko la Agaafara yoken la.