Ataŋa
| Native label | Atanga  |
|---|---|
| Writing system | Latin script, Gurene |
| Soundex | A352 |
| Cologne phonetics | 0264 |
Ataŋa de la atibefareŋa buuri yu'urɛ. Di de la yaaba yu'urɛ. Di de la kugere n ga'arɛ yue, kãregɛ nyaa zɔɛ kugere ti ba nyaa yi'ira di taŋa.
Taŋa buuri bii vɔɔrɛ la zo'e mɛ. Taŋa ta'am dɛna tiŋanɛ ti ba kaabera, taŋa ta'am dɛna Kugere bɔna suudeon ti ba tara kuta, sɛba me ta'am kɔ'ɔn bisɛ taŋa la ke'eŋo la dikɛ sigɛ nɛra yu'urɛ. Dee, yu'ura zo'e zo'e kɔ'ɔn dɛna la tiŋana n de tansi la tı ba tara sigera nɛreba yu'ura la. Ba ta' la sakɛ sira bɔ'ɔra ba ti ba wan ta'am gu'ura ba, ba yɛa puan la ba tuuma zi'an suŋa suŋa.
Taŋa de la sɛla n kpe'em, ti di ŋwɔregerɛ ka dɛna naana. La de la di kpe'eŋo wa zuo ti nɛreba tara di sigera ba kɔma, ti la pa'ala ba kɔma la n kpe'em se'em, bii bama n boti ti ba kɔma la kpe'em se'em (bii diinduma n makɛ yeti yu'ura doli la baduma la).
Tu me kelum tara tankutisi mɛ ti i bɔna suudeto puan ti ba tara a kuta kɔa, su'usi, pɛɛma, lɛɛsi, fina, la kuto lɔgerɔ asi'a. Tansina buuri de la tansi'a ti ba kãabera, ti la pa'alɛ ti di de la yaaba lɔkɔ.
Yire puan san tara tankutega wa ti ba tara di kuta gee kãabera, gee ti pɔka san dɔgɛ budibela, ti ba yese bɔgerɔ ti la dɛna la tankutega la yeti ba dikɛ bia la sigɛ la eŋa, ba wan gãresɛ baŋɛ ba wan doose sarɔseto gee baŋɛ dikɛ yu'urɛ la sigɛ bia la.
Nyaa wan sirum doose yɛla la gee sigɛ bia la yu'urɛ, yi'ira e Ataŋa. Tankuna n de yaaba taŋa la gee dagi la mina ti ba yen kɔ'ɔm bisera la taŋa n kpe'em se'em ti di ŋwɔregerɛ tɔna ti ba dikɛ sigera bia gee ka yɛsera bɔgerɔ la.
Megesɛ wuu budaa Ayima n boi ti a yu'urɛ dɛna Ataŋa. Eŋa de la yaaba taŋa la. A de la suudeo tankutega, ti fu san kalum ti di lagera.