So'ose paɛ yelezuo la

Bolgatanga Regional Hospital

Ze'ele Wikipiidiya

Bɔlega Asibetin de la Gɔmena Asibetin katɛ n boi Bɔlega Zaarɛ tiŋa puan. Zaarɛ de la timbila diyima n boi Gaana wa saazuo bɔba so'olum (Upper East Region). Asibetin la de la Bɔlega za'a asibetin kãtɛ. Bala la nɛra san bi'ira gee kiŋɛ asibetin bibesi la puan ti dɔgeta duma la baŋɛ ti ba ka ta'am tibɛ, ba ni ta'asɛ e basɛ la bilam. Bala la nɛreba zo'e zo'e yi'iri di la dɔgekatin.

Asibetin la yuum pɔsɛ 1946 yuunɛ la puan dɛna la Solemiisi la Nɛresɛba n tuni bɔ'ɔra la imma'asum bisega zi'an. Bɔlegataŋa so'olum la za'a, Bɔlega asibetin la de la asibetin kãtɛ gana asibetin duma la za'a. Bala la ba tiberi la bã'asi zo'e zo'e bini magesi intuulegerɛ, tuba la nyina, kunkɔa la nuurɛ puan ba'asi. Asibetin wa tari la yeleŋo zo'e zo'e ti yeleŋo woo tari la di dɔgeta la nɛɛsi duma ti bɔna bini tibera bã'asi. Yeleŋo duma la asi'a n ŋwana:

Ba tari nini yeleŋo ti nini dɔgeta bɔna bini tibera Nɛresɛba nini n tari dãaŋɔ. Se'em nini n tari dãanseko ti a paɛ bini, ba wan dikɛ magazine ŋwuulɛ baŋɛ sɛla n daani nini, gee nyaa bo tiim ti a dzi bii vole ti nini le ana suŋa.

Ba tari bilɛɛsi ma'a yeleŋo ti dɔgeta bɔna bibi tibera bilɛɛsi n ka tari imma'asum. Bala la pɔka san dɔgɛ ti bilia la bi'ira, ba ni ta'asɛ ka bilam ti dɔgeta la tibɛ ka. Ba kelum tara dɔgum yeleŋo mɛ bisera dɔgum yɛla. Pɔka bii budaa san san ka dɔgera gee kiŋɛ yelekuŋɔ, ba me wan digesɛ magazin ŋwuulɛ baŋɛ sɛla n ta'asɛ ti a dɔgera la gee pa'alɛ e wan iŋɛ sɛla la sɛla ti dɔgum la wa'am na. Yeleŋkuna kelum bisera pɔgepuusi duma me. Pɔka san puurɛ, ba bisera e bɔ'ɔra e tiim ti a vɔla tara paŋa la imma'asum gura dɔgum. Hali, a san kan ta'am dɔgɛ wuu la n nari se'em la, ba tari dɔgera duma sɛba n zemesɛ tole nɛŋa ti ba wan ŋwaɛ pɔka la puurɛ foe biã la bii kɔma la gee ti imma'asum bɔna e.

Dagi bala la ma'a gee ba kelum tara bã'aduma gã'aregɔ zi'an mɛ ti sɛba woo n bi'iri kan ta'am bɔna yire gee vɔla tiim la bamɛsi la, ga la bilam ti nɛɛsi duma la dɔgeta duma bisera ba. Kɔma gã'aregɔ zi'an bo mɛ, ti pɔgesi zi'an bɔna gee ti budaasi me zi'an bɔna ti ba tibera ba gura ba ta nyɛ imma'asum ti ba basɛ ti ba kule. Ba kelum tara zi'an diyima ti ba 'emergency ward'. Bilam de la sɛba ba'asi n muɛ nini ɛɛra tibegɔ kalam kalam san dagena la see kum la bɔŋa zi'an n bala.

Sɛla n kelum pa'asɛ de la, ba tari kɔ̃ba zi'an mɛ kɔ'ɔm tibera la kɔ̃ba puan bã'asi ma'a gee me tara pɔgeleŋɔ zi'an ti ba pɛɛra gee maala nɔra.welego duma la za'a tari ba zuo daana ti ba yi'ira meturɔn bii encharge.

Viisɔgɔ Lɔgɛrɔ[demese | demesego zia]