David Asibi Ayindenaba Apasera

Ze'ele Wikipiidiya
David Akpasera
nera
Naaŋɔmale Demese
Country of citizenshipGhana Demese
Given nameDavid Demese
Date of birth25 Dawalega 1962 Demese
Place of birthGhana Demese
Languages spoken, written or signedEnglish Demese
Occupationpolitician Demese

David Asibi Ayindenaba Apasera de la Gaana nɛra n lagum dɛna Gaana nalɛgereba la ayima. A de la 'People's National Convention' (PNC) nɛra nyuum ze'ele ti a di Gaana zuudaana na'am la. A yuum de la MP bo Bɔlegataŋa so'olum Tiŋasuka deti ba wi'ira ti (Bɔlega central) so'olum m boi Gaana saazuo bɔba la (Upper East Region) ze'ele 2001 la 2009 yuuma la puan.

A palimɛnti yɛla[demese | demesego zia]

Apasera yuun pɔsɛ lɛgɛ la 1996 yuunɛ Gaana za'a voteŋo la.[1][2] A yuun lɛgɛ la Bɔlegataŋa palimɛnti kukua la dɛna la Peoples National Convention (PNC) ti ba ni yi'ira ti Kube paati la. Voteŋo la puan a tagelɛ buyi daana dɛna la 21% . Amaa a me yuun tole eŋa la se'em n yuun lɛgere na'am la, Simom Abiggya n yuun de Ama'asum tia paati(NDC) nɛra la 2000 yuunɛ voteŋo la puan mɛ nyaa dɛna Bɔlegataŋa kuka n boi palimɛnti dɛna wuu 50.9% ti nɛresɛba n gani dɛna 7,575. Apasera yuun le to'e a kuka mɛ 2004 yuunɛ la puan di la 38.6% gee ti nɛresɛba n gani la yuun tuuma sige tiŋa dɛna 2,205.

A yuun pa'asɛ la MP duma bayoobi n de Akube paati la Anɔdɔɔ paati ta pa'asɛ la nɛra anyima n yuun ze'ele ama'a la n yuun biŋe nuurɛ la Awɔbegɔ paati 2005 yuunɛ la puan 2008 Gaana za'a voteŋo la puan, a yuun tagelɛ la buta Emmanuel Akolbire n de Ama'asum tia paati nɛra la Mercy Alima Musah me n de Awɔbegɔ paati nɛra la pooren tara 20.1% voteŋo la puan bilam ti a yuun koŋe Bɔlega so'olum palimɛnti kuka la Ko'oro 6, 2009(6 January 2009).

Gee ti 2012 yuunɛ loosego la, na yuun labɛ Bɔlega 'constituency' la buyi iŋɛ Bɔlega tiŋasuka la Bɔlega saazuu bɔba so'olum 'constituencies'. Apasera yuun tole Rockson Abukari nɛŋa la voteduma la kɔbega ti a tara voteduma pisinii la bata yuun basɛ ti Akube paati la ta'am ze'ele lɛgɛ Bɔlega saazuu bɔba so'olum palimɛnti kuka la amaa a yuun ka di mi'a gee yuun tagelɛ la buta tara la 13.1% voteŋo la puan. 2016 yuunɛ voteŋo la puan, Apasera yuun le ze'ele mɛ lɛgɛ Bɔlega saazuu bɔba so'olum kuka. Nɔpke'ene yuun wa'am eŋa la Bernard Monah Akube paati kuka zuudaa sankaŋa la tiŋasuka na. A yuun yeti Monah duuse la eŋa yu'urɛ Gaana 'Electoral Commission' la puan. A yuun ka ta'am gulesɛ a yu'urɛ iŋɛ voteŋo daka la puan.

2020 yuunɛ la puan ti a nyaŋɛ ze'ele paati la loosego ti a lɛgɛ Gaana za'a zuudaa voteŋo la puan. Divine Ayivor n yuun lagum ze'ele lɛgera na'am la a pa'asɛ la nɛrepia la ayi sɛba n ze'ele ti ba lɛgɛ Gɔmena na'am la.

Forum for Former members of parliament[demese | demesego zia]

David Apasera n yuun de nɛresɛba n tabelɛ dɛna 'member of parliament'. A yuun kɔ'ɔm tirigɛ mɛ ti sɛba n tabelɛ dɛna MP duma me nyɛta sɛla to'ora. A yuun zɛbɛ mɛ ta yese kooten katɛ la ti ba yi'ira ti 'supreme court' bɔna Gaana wa la, yɛsera la nɛresɛba n tum ba'asɛ gee lebe ta vo'osa la yele.

VIISEGƆ LƆGERƆ[demese | demesego zia]

  1. Ghana Parliamentary Register, 2004–2008. Ghana: The Office of Parliament. 2004. p. 165.
  2. https://www.ghanaweb.com/GhanaHomePage/NewsArchive/PNC-to-settle-on-David-Apasera-as-flagbearer-994894