Dia duka (Gãarɛ maalegɔ )

Gãarɛ de la dia ti tu Farefari duma zo'e zo'e dita. Lɔgeseto ti tu tara maala gãarɛ n ŋwana:

Suma bii tɛa zom.

Ko'om.

Yaarum.

Dukɔ.

Buntuula.

Mɔɔrɔ

Fito bii bagenɛ vuurɔ

Bugum.

Yia daana, ba ni dikɛ la muurɔ la tɛ dukɔ puan iŋɛ ko'om fii iŋɛ bini ze'ele. Ni nyaa iŋɛ ko'om iŋɛ tɛa bii suma zom la puan dikɛ vugere bii nu'o gurege ti ba lagum taaba suŋa suŋa ti ba ŋmɛ ti bu fuke ti ba iŋɛ nankia la yaarum ko'om fii iŋɛ bini gurege ti bu lagum.

Buyi daana, ba ni dikɛ la fito la pugum iŋɛ ko'om puan pee yaɛ deele ti si fiira gee ti ba ŋmɛ'ɛra zom la. Bala la zom la ni fuke la, ba nyaa wan pasɛ iŋɛ fito/bagenɛ vuurɔ la puan pɔbɛ dikɛ pagelɛ muurɔ la n boi dukɔ la puan la. Ti ko'om la nyaa kɔrɛ ti wɔlegɔ nyaa ŋmɛ ti bu nyaa bi'e nyaa dɛna gaarɛ.