Drametse Ngacham
| Country of origin | Bhutan  |
|---|---|
| Intangible cultural heritage status | Representative List of the Intangible Cultural Heritage of Humanity, Masterpieces of the Oral and Intangible Heritage of Humanity |
| Described at URL | https://ich.unesco.org/en/RL/00161, https://ich.unesco.org/fr/RL/00161, https://ich.unesco.org/es/RL/00161 |
Drametse Ngacham ( vuurɛ de la, a furɛ inya wa'a ti Drametse duma ni ŋmɛ'ɛra gulo ti ba wa'ara, 'Nga' dela gulo ti 'cham' dɛna a furɛ inya wa'a). A de la buuri malema wa'a ti Drametse tiŋa duma n boi eastern Bhutan. Ba ni de'em e la nuurɛ buyi yuunɛ puan Drametse duma de'eŋo saŋa. Ba ni de'em la ŋmaresi sinuu la ŋmarepia puan dɔla 'Bhutanese' ŋmaresi gɔŋɔ la puan. 'Ogyen Tegchok Namdroel Choeling Monastery' duma n ni iŋɛ de'eŋo wa ti ba tɛra 'Padmasambhava' n de '8th century Buddhist' duma pa'ala. Budaasi pia la bayoobi n ni furɛ wa'ara la yuumyuuneba pia n ni dɛ'ɛna de'eŋo wa. Wa'areba la ni yɛ la lɔgerɔ n ŋwɔni la bunyoo dee ni dikɛ dɔɔ ti ba maalɛ e ti a tara duŋa ŋwɔsum vuge ba niŋa, yuumyuuneba la me ni pɛɛbera la dɔɔrɔ dee ŋmɛ'ɛra gulo hali la gulesɛka dɔɔ n wɔgɛ ti a yu'urɛ dɛna 'bang nga' la, la gulesɛka n makɛ ma'a ti a yu'urɛ dɛna 'lag nga' la luŋa ti a yu'urɛ dɛna 'nga chen' mina ti ba ni tara dɔgoleŋo ŋmɛ'ɛra e la. Ba ni pɔsɛ wa la pu'usegɔ wa'a n de 'soeldep cham, tinganɛ la miŋa dee nyaa ni tɔla ayila ayila wa'ara bunyɔgelewa'a la. Wa'a la bɔgesɛ la buyi: sim wa'a ti ba ni wa'ara zusa sugeri baga zi'an la zomesego wa'a. Ba pɔsɛ wa'a de'eŋo la paɛ 'century' duma bunuu zuo. 'Nineteenth century' la ba'asegɔ puan ti wa'a wa yuum nyaa wi'ira paara Bhutan tinsi basɛba puan. Zina beere wa, a nyaa kɔ'ɔm yeti a dɛna la tiŋa la muunɛ dinɛ, ze'ele dɛna Bhutanese tinmuunɛ la niisum bɔ'ɔra ba. 2008 yuunɛ la puan ti UNESCO duma yuum dikɛ e pa'asɛ 'Intangible Culture Heritage of Humanity' puan, dee ba daa pugum te'ele baŋɛ e la 2005 yuunɛ la puan. De'eŋo wa tuulesum gesegɔ la puan la, nɛresɛba n daa zameseri la kãlɛ daa siege la tiŋa beni zuo, ba daa ka le nyɛta saŋa la inkeŋere bɔ'ɔra yuumyuuneba la la dɛna n zameseri wa'a la , daa basɛ mɛ ti kɔmbibuulegɔ la me daa ka le tara inkeŋere ti ba zamesɛ.
Tɔgum la buuri malema zamesegɔ n boi 'Royal yunivɛsiti sukuu n boi Bhutan tiŋa puan la, n daa lagum naɛ nuurɛ ti ba wan suŋɛ ti wa'a wa tole nɛŋa, Japanese duma n daa suŋɛ ti tuunɛ wa tum doose UNESCO puan. Ba daa boti ti ba kemese la ba inya yɛsera wa'a la malema zamesegɔ puan, ti ba zo'e gaŋɛ ba daa pugum zuna se'em, ba wa'a nyinyilo, de nyaa viisɛ ba tuulesum yɛla za'a. Ba daa iŋɛ sinii de gulesɛ gɔŋɔ solemiine la Dzongkha tɔgum puan tu pa'alɛ ba de'eni e se'em ti la ga.