Ephraim Avea Nsoh

Ephraim Avea Nsoh de la  Gaana nɛra ze’ele Booŋo-Vea Bɔlega so’olum la puan Gaana wa. Avea Nsoh de la Gaana Gɔmena nalɛgera ti ba wi’ira ti ‘politician’ la. Ephraim Avea Nsoh ze'ele la Vea dee bɔna Winiba sukuu kãtɛ la ti ba wi'ira ti Univɛsiti la puan dɛna pa'ala. Gaana zuo daana kurega/kɛka John Mahama n daa loe e ti a dɛna Upper West Region Zuo daana de ti ba wi'ira ti Regional Minister la, A daa ze'ele bilam leme la Upper East Region na dɛna Upper East Zuo daana de ti ba wi'ira ti Regional Minister la. Ephraim Avea Nsoh n yuum ta lɛbera ‘Upper East Region of Ghana’ti a dɛna kuka zuo daana la, ti a yuum de la ‘Upper West Regional Minister’.

Avea daa ze'ele a regional minister la puan nyaa le lem la Winiba sukuu kãtɛ la puan ta dɛna 'University of Education, Winneba. College of Languages Education Principal'. Tuunɛ la yuum de la yuum anaasi tuunɛ ti ba yuum loe e ti a tum. Tuunɛ la yuum pɔsɛ la October 1, 2016.

A daa tum a tuuma mɛ suŋa suŋa paɛ a saŋa deti sukuu la daa nyaa teɛ nɛra ti a soe a na'arɛ tee dɛna sukuu la zuo daana. Avea pɔsɛ pa'alegɔ sukuu kãtɛ wa puan la 1993 tara bala wa paɛ zina. A yuum pɔsɛ dɛna la pa'ala, ze'ele bilam ta paɛ Head of Department (HoD), nyaa tara bala ta paɛ sukuu la za'an zuo daana. Avea tuuma la yuun ka teke bilam ma'a, eŋa n yuun ta ba'asɛ a tuum sukuu zuo daana tuum puan la, a yuum ka lebe yire ta zi'an dee a kelum bɔna sukuu la puan mɛ dɛna pa'ala kelum pa'ala kɔma.