Gãarɛ maalegɔ

Gãarɛ de la disɛka ti Farefari duma zo'e zo'e nɔŋɛ ka dia. Fu san yeti fu maalɛ Gãarɛ, lɔgeseto n nari fu tara n ŋmana:

Suma bii tɛa zom.

Dukɔ

Buntuula

ko'om

yaarum la nankia/ kawu

muurɔ la fito.

Kaam la nanzu'usi.

Pi'ileŋo puan, Fu wan iŋɛ ko'om fii iŋɛ zom la puan bum ti ba naɛ taaba ti fu nyaa ŋmɛ ti bu fuke ti fu iŋɛ nankia/ kawu la fii pa'asɛ bini gurege nyaa iŋɛ yaarum me fii pa'asɛ.

Buyi puan, fu wan dikɛ Muurɔ la tɛ la dukɔ puan iŋɛ ko'om fii iŋɛ bini. Fu san ba'asɛ, fu wan pee fito la iŋɛ zom la pɔbɛ bini dikɛ pagelɛ Muurɔ la zuo.

Buta puan, tuurɛ bugum dikɛ dukɔ la dugelɛ ti la kɔrɛ. la san kɔrɛ wuu mitepita la, ti fu bisɛ, la san bi'ɛ ti fu dɔgesɛ nyaa lagɛ fito gee gee gãarɛ la.

Fu san bɔta, fu ta'am iŋɛ zom la taɛ liŋa bii wanɛ puan vugele dukɔ la zuo ti la bi'ɛ ti fu lakɛ. Bama n bala ti tu yi'ira ti, 'tintaarɛ' la.

Ba'asegɔ puan, fu nyaa wan tɔ nanzu'usi la yaarum gee nyɛlegɛ kaam la nyaa iŋɛ gãarɛ la puan.