Gilbert Amoah Ayariga

Gilbert Amoah Ayariga de la budibesa'arɛ n yese Bɔlega Buke'ere. A yese la Amua-Kɔrika yizuo, n pa'asɛ Aburaabiisi yizuto la puan. Ba yire yu'urɛ de la Akɔrika-Sampana Yariga yire. Amoah de la Asampana-Yariga yaaŋa. A dɔgereba de la Apambila Ayariga la Ayimbila Ataŋa. Apambila dɔgɛ la kɔma banaasi; Apɛregedina Ayariga (poyukiima), Amoah Ayariga (dayukiima n tagelɛ Apɛregedina poore), Atule Apambila, la Ayimbotima Apambila. Ba dɔgɛ Amoah la Gunfuko ŋmarega la, ka dapitã 1997 yuunɛ puan (13-02-1997).

Amoah Ayariga boi la "University of Education, Winneba - Ajumako Campus", ita Gurenɛ la solemiine. A pɔsɛ a sukuu la "Awogeya KG/Primary School" n boi Buke'ere, 2002 yuunɛ puan sa. 2011 tari ta paɛ 2013 ti a kiŋe "Awogeya JHS". A daa ze'ele bilam kiŋɛ la "Gowrie SHTS", nyaa bɔna deto tuta Winiba Yunivɛsiti, tɔgum yeleŋo la puan.

Amoah di la Linda Anapoka Akelembula n ze'ele Booŋo-soe, ti ba nan tari dayua ayima (Ayimpaŋa Apambila).

Bɔɔla yɛla.

Amoah de la nɛremina n tari nɔŋerɛ bɔ'ɔra bɔɔla yɛla. A de la boole wepɛɛbera, lagum po pa'asɛ Gana wa za'a wepɛɛbera la puan. Amoah n de yia daana ti a pɔsɛ wia peebego Buke'ere tiŋa puan. Amoah peeberi la " Division One League" Gana wa za'a zuo.

Buuri yɛla.

Amoah Ayariga tari nɔŋerɛ mɛ paa bɔ'ɔra a tiŋa buuri yɛla. A ka boti ti ba zɛregera a tiŋa buuri malema. Yinɛ bo Ayariga yaaŋa wa la bo'olum sumɔ; dɛna woo Amoah de la nɛremina n wan ta'am ŋmɛ tu buuri gulo la lusi, hali la abooŋo duma wa n yese pooren wa. A to'e a gulo ŋmɛa wa la a sɔ (Apambila) zi'an.