Hachinohe Sansha Festival

Hachinohe Sansha Taisai (八戸三社大祭) wa de la Japan duma kibesi ti ba ni de'ena ka bureya pooren ŋmaresi siyopɔi la puan ka dabesa pita la diyima daarɛ ta paara ŋmaresi sinii a dabesa anaasi daarɛ bɔna Hachinohe tiŋa puan, Aomori tiŋa puan la Japan tiŋa miŋa puan. Kibesi wa malema ni kɔ'ɔm bɔna la tingama ata puan n de Shinto tingama: Ogami tinganɛ(霊神社), Shinra tinganɛ (新羅神社), la Shinmei tinganɛ (神明宮). Pala zuo de'eŋo n ni paɛ wuu piseyi la ayopɔi gee ti mikoshi de'eŋo mi ni kelum dɛna wuu bata de'ena bɔna pala zuto. Kibesibwa tari la yuumkubesi siyi la yuum piwɔi tuusum kalɛ puan gee 2004 yuunɛ la puan ti ba yuum loe di ba'asɛ buuri malema de'eno bii kibesi tu'ura puan.

Bureya pooren ŋmaresi sinii la puan ka dabesa ayi daarɛ ti Chojasan Shinra tinganɛ la dɛna zi'an ti ba yuum dikɛ de'em Kiba Dakyuu kibesi wa (騎馬打球) ti la pa'ala ti ba dikeri la namesegɔ la tooro basera. La de la  Kagami malenɛ buuri n de ka bɔna dakyu , amaa Hachinohe, Yamagata, la impiiriya yizuto tigera wa puan ba  de'ena kibesi wa.