Joyce Bamford-Addo

Joyce Adeline Bamford-Addo JSC, CV( ti ba dɔgɛ 26 March 1937) de la Gaana nɛra n de 'Barriter' la 'Judge' n yuun de 'Speaker of Parliament' 2009 ta paɛ 2013 yuunɛ la puan Gaana tiŋa. Ti e yuun de nɛresɛka taaba palimɛnti la pa'asɛ la sugenuure butã ba san tɔgera nimmu'urɛ nɛreba n boi palimɛnti. A yuun nan de la 'Justice' bɔna kootin kãtɛ la n boi Ãnkara so'olum ti ba yi'ira ti 'Supreme Court' la. Eŋa n de pɔgesɛka n de yiadaana ti a dɛna 'Justice' kɛ kootin kãtɛ la puan Gaana tiŋa. A yuun tum bini la 1991 ta paɛ 2004 yuuma ti a yuun nyaa kule ti a ta vo'ose. Nɛresabelega tiŋa za'a me eŋa n de pɔka n de yiadaana ti ba tabelɛ loe ti a dɛna 'Speaker' bɔna palimɛnti. A tɔgɛ kpe'eni kpe'eni bɔ'ɔra pɔgesi Nɛŋatɔlega daa kɔ'ɔm bɔna la lageŋɔ(conference) zo'e zo'e duma puan, 'workshops) la mitin duma puusin si'a n boi Gaana tiŋa la tinsesi n boi yiŋa za'a.

A Pɔsega vom la Sukuu Yɛla

A ma yuun de Gaana nɛra n ze'ele Aburi gee ti a sɔ me dɛna Solemia yuun dɔgɛ Joyce Adeline Bamford-Addo la 1937 yuunɛ la puan yuun pi'ilum a sukuu kinɛ la 'St Mary's Boarding School' la 'Our Lady of Apostles,ti ba ŋmaɛ gi'i ti OLA la eŋa la a kiima Esther Cynthia Cape Coast tiŋa puan. A le kiŋɛ la 'Holy Child School' n me Cape Coast so'olum nuu. A kiŋɛ la Solemintinsɛka ti ba yi'ira ti United Kingdom la ta zamesɛ wara yɛla. A yuum pa'asɛ la 'Inner Temple[10] ta bɔna sɛla ti ba yi'ira ti Inns of court la ti ba yuun yi e ti kiŋɛ zi'an ti ba yi'ira ti English Bar la puan ta tuna 1961 yuunɛ puan.

Kootin Tuuma

Bamford-Addo yuun tum 'United Kingdom' la yuunɛ gee a yuun nyaa lem Gaana na. Gaana kootin duma me yuun yi e la 1962 yuunɛ la. A yuun pɔsɛ dɛna la 'Assistant State Attorney' 1963 gee yuun nyɛ Nɛŋatɔlega lebege 'State Attorney' nyaa yuun kɔ'ɔm lebege kiima tuuma la puan ti ba yi'ira ti 'Senior State Attorney gee yuun nyaa ta dɛna 'Principal State Attorney'. A yuun nyaa ta lebege la 'Chief State Attorney' 1973 yuunɛ puan. Ba yuun loe e ti a dɛna 'Director of Public Prosecutions 1976, ti a tum bala yuumpia. [12]

Lɔya bɔna kootin kãten Gaana

Jerry John Rawlings me yuun loe e mɛ ti a dɛna judge bɔna kootin kãtɛ Gaana tiŋa wa 1991, dɛna pɔka yiadaana ti a tum bilam Gaana tiŋa. A yuun tum bini yue mɛ gee kule ti a vo'ose Sakutega nambua 2004 yuunɛ. Ba yeti