Kulbia

Kulbia Tinŋa

Kulbia dela Sumbrungu tinbila, Bolga so'olum pɔen. Kulbia yɛrikɛ ze'ele sirikɔ sakukɔ sige tadu kandiga, lebe kae zom tadu Sumbrungu.

Kulbia nabara

Kulbia nyɛ la yu'rɛ ze'ele Kulkɔ. Kulkɔ bola buyi. Tu tarɛ Kulkinŋɔ. De tara Kulbia. Kulkinŋɔ dela tinpika nboi Navrongo so'olum.

Kulbia Tinbibisi

Kulbia tare la tinbibisi ba yopɔi. Ba dela, Anateem, Akukam, Dazongo, Amɔrikɛdoone, Kunkuam, Kutinkɔ, nyaa dikɛ Kulbia minŋa pa'asɛ. Naba ayima ma'a en biseri ba za'a.

Kulbia Da'a

Kulkɔ da'a yuun dela dakatɛ. Puumpitã ntole ba yuun diti ka la dabesa  atã woo darɛ. Kulkɔ da'a darɛ woo de'eno zo'e zo'e en na wa'am bilam. Yɛhɛra ka yuun za'asum se'em la zuo, tisi zo'e zo'e n yuum ki'iri ka.

Poorin da'a la nya vurike singɛ la Suburungu, Kulkɔ la Kulbia tinsuka ti ba yi'ira bilam tii Santa.

Kulbia Ninŋa Tɔlika

Kulbia tare sukuto zo'e zo'e, ze'ele kɔmbibisi dinɛ ta pae bunkuruba dinɛ. Sukuto bataba dela, Kulbia sukuu, Dazongo sukuu, Anateem sukuu, Kunkuam sukuu la bataba. Bolga sukuu katɛ sɛka ti ba wi'ira 'Bolgatanga Technical University' (BTU) la mi bola Kulbia tinŋa pɔen. Kulbia tare Asibitum bun bibisi kekeko mɛ. Ka tari Asibitum ayima Dazongo, ayima Anateem, ayima Kunkuam, de kelum tara ayima Kulkɔ Nayire.