Lithuanian Cross Crafting
| Country of origin | Lithuania  |
|---|---|
| Intangible cultural heritage status | Representative List of the Intangible Cultural Heritage of Humanity, Masterpieces of the Oral and Intangible Heritage of Humanity |
| Described at URL | https://ich.unesco.org/en/RL/00013, https://ich.unesco.org/fr/RL/00013, https://ich.unesco.org/es/RL/00013 |
Lithuanian cross crafting de la Lithuania duma buuri tuuma n de pumpuuredɔɔrɔ maalegɔ. Bimbima la pumpuuredɔɔrɔ de nimu'urɛ yele Lithuania duma buuri vom puan. Lithuania duma buuri pumpuuredɔɔrɔ maalegɔ wa pa'asɛ la nɛreba la Roman Chatholic pu'usegɔ la puan. La wan dɛna wuu 1õth Century la bɔba ti Lithuania duma pa'asɛ Russia duma n sɔi tinsesi bisera la (Empire) puan daarɛ, pumpuuredɔɔrɔ wa de Lithuania duma daalum.
Ba ni dikɛ la oak dɔɔrɔ ma'ɛ bamɛsi maalɛ si ŋwana nima nima, gee sansɛka me, ba ni dikɛ Kuto pa'asɛ bini. Nɛreba n maalɛ wa ti ba yi'ira ba ti kryždirbiai, ɛɛrɩ tiŋa la za'a puan kaara. Vincas Svirskis (1835-1916) n de se'em kɔ'ɔm zamesɛ amiŋa la n yuum mi Lithuania duma pumpuuredɔɔrɔ wa maalegɔ gana za'a la, se'em pumpuuredɔɔrɔ n kɔ'ɔm bɔna Lithuania tiŋa za'a la, nyaa boi tiŋa 'museum' duma puusin.
2001 yuunɛ la puan ti UNESCO duma yuun dikɛ Lithuanian cross crafting pa'asɛ Masterpieces of the Oral and Intangible Heritage of Humanity puan. Letita, 2017 yuunɛ la puan ti Lithuania duma pumpuuredɔɔ-maalegɔ la di daalesum yuum pa'asɛ Intangible Cultural Heritage Inventory puan dɛna sɔlema tuuma, buuri lɔgemaalegɔ bii kua tuuma. Dɔɔrɔ pumpuuredɔɔrɔ maalegɔ, kuga bii Kuto ta, ta la nunnɔm lɔgerɔ (jewelry) puure maaleŋɔ me lagum bɔna buuri malema asi'a puan mɛ. Magesi wuu Celtic duma pumpuuredɔɔrɔ, Ethiopia duma pumpuuredɔɔrɔ la America duma pumpuuredɔɔrɔ.
Tuusum[demese | demesego zia]
Tuusum la buuri malema pumpuuredɔɔrɔ maalegɔ n de sɔlema tuuma yuum pɔsɛ dɛna sɛla n tari Yimpu'usegɔ n boi Lithuania puan na, dina wa Zuo, la dikɛ Yimpu'usegɔ tuuma n ani se'em la ta lagum la 'Baltic mythology' Buuri malema si'a ti ba yuun pi'ilum 15th Century la, ka yeem toŋe me la lɔgemaalegɔ miŋa ma'a, amaa a pa'asɛ la ba wan doe pumpuuredɔɔrɔ wa ze'ele saazuo se'em (ɛɛra nimbɔzorɛ bii gu'a, ki'induma na'asegɔ, Yinɛ bii nɛresɛba n de kasi la yɛla zo'e zo'e)- pumpuuredɔɔ-maala n eeri sɛla, n loe sɛla, sadɔsunseko ti pumpuuredɔɔ maala la doose doe pumpuuredɔɔ la ze'ele,