Luŋa

lɔŋa dela farefari duma buuri malema de'eŋo dɛ'ɛma bunɔ ti ba tara dɛ'ɛna. Lusi la boi la buyi, lunyna'aŋa la lūdaa, lūdaa la me ani la pika pika dee me ka tibegɛ paɛ lunya'aŋa.

Lunya'aŋa kãregɛ me dee tibegɛ gana lùdaa dee ba tari la gana, luŋa dɔɔ la mi'isi pɔbera lusi la za'a.

Ba ni tara lūsi wa dɛ'ɛna mɛ la gulego, ti gulego la n ni dɛna ba nɛŋa daana de'eŋo puan, ba ka tari luŋa ma'a ayima ŋmɛ'ɛra de'eŋo puan dee ba ta'am ni dɛna bayi, batã, banaasi bɔba wɛ'ɛsa ti de'eŋo la ni naara taaba ti la ana suŋa.

Lūdaa la ni dɛna la ayila ba tigere la puan dee ba me ta'am dɛna bayi.

Pari pari puan, fu ta'am me kelum dikɛ ba voole/ kɛlega puan baŋa luŋa la n de lūsɛka.

Dagi luŋa woo n kɔ'ɔm nara ŋmɛ'a bii tara dɛ'ɛna, dee basɛba ni pa'alɛ wa'am ti fu pɔbɛ e yagelɛ dee fu de ŋmɛ'ɛra.