Mohammed Salah

Ba dɔgɛ e la 15/06/1992, 'Nagrig Basyoun, Egypt' tiŋa puan. Mohamed Salah dela booŋmɛnyaleŋa daana n boi 'Premier league' boole tigere la ti ba wi'ira e tii 'Livepool' la. Ŋmɛ'a puan, budaa wa ni ŋmɛ'ɛra la nɛŋa bɔba ti solemiisi wi'ira tii 'forward' la dee a me kelum zuo daana ti solemiisi wi'ira ti 'Captain' la bɔna Egypt tiŋa boole tigekatɛ la puan. Mohamed Salah lagum pa'asɛ tiŋa wa za'a boole ŋmɛnyalesi duma la puan dee tumam Africa tiŋa wa puan, a le lagum dita mi'iai mɛ boole ŋmɛ'a puan. A ta'am zɔta mɛ dee tara boole ŋmɛ'a nyaleŋɔ la za'a.

Mohamed Salah boole ŋmɛ'a kaŋekaŋi dela 2010 yuunɛ la ti a yuum pa'asɛ 'Al Mokowloon boole tigere la puan, ze'ele bilam yese le ta kɛ 'Basel', bilam ti a yuum ta nyaŋɛ di mi'isi siyi to'e Swiss Super League ke'eŋo la. 2014 yuunɛ la puan ti a yuum siŋɛ ta kɛ Chelsea boole tigekatɛ la puan, ba yuum pɔsɛ yɔɔra e la £11,000,000 n de miiliyɔn pia la a yila la.