Moral values
Ba de la puti'ira la itegɔ duma ti Nɛreba n boi tiŋa bii so'olum bii yire puan sakɛ ti ba dɔla. Magesi Wuu gilema bɔ'a , yelemɛŋerɛ tɔgum, nyɔkemɛŋa, nɛreba nimbaalega tara nɔgerɛ la sugeri dia.
Ba Dela sɛla ti ba mina ti fu san dɔla bii ita, la wan tari nɔyinɛ , suma'asum la maalegɔ kɛ tiŋa la puan na.
Naresum la itesuŋɔ yɛla wa n paari kɔma se'em.
Naresum bii itesuŋɔ yɛla wa de la sɛla n pugum pi'ilum bɔna ti la ka yɔna na. Gee a doose la yɛla asi'a puan kelum bɔna wa paɛ zi'an.
Dɔgereba
[demese | demesego zia]Dɔgereba pɛregerɛ tuunɛ de la ba ni bisɛ ba wan iŋɛ se'em pa'alɛ ba kɔma sɛla n ani suŋa ti ba ita. Magesi Wuu ba sakera bakiinduma , maduma la sɔduma nɔa. Ba ne kelum ta'am yele pa'alɛ kɔma sɛla la sɛla n de kisego ti ba ka nara ti ba ita. Magesi Wuu ba da tara gɔbega nuo pu'usa nɛra bii dita dia la san dagena sɛla n pɛregɛ. Ŋwana za'a dela sɛla ti bia la ne zɔ'ɔra la putɛsuma la ti tuunsuma me dɔla.
Sukuu
[demese | demesego zia]Sukuu puusin, putɛsuma la itesuŋɔ yɛla wa de la sɛla ti tikeya/pa'ala tara pa'ala kɔma. Sukuu puusin dagɛ la pa'alegɔ wa ma'a gee ba ni le biŋe wara bi lɔɔ duma mɛ ti la dɛna pɛregerɛ ti kɔma la dɔla. Magesi Wuu sɛba n boe deyiŋɔ nari ti bana'asa sɛba n boe deto tuyi bii sɛba n boe deto n gani bala.
La de la bala nuu ti sukuu kɔma la woo nara ti ba loose ba taaba ti bama n dɛna nɛŋa duma ta pa'asɛ la ba tikeya duma bii pa'aleba la. Na'asegɔ bii gilema bɔ'a nɔŋerɛ la yelesi'a n de putɛsuma bii itesuŋɔ yɛla la za'a dela sɛla ti kɔma dɔla sukuu puusin zamesera.
Yindeto la Masareki
[demese | demesego zia]Yindeto la masareki duma me de la zi'an ti nɛreba yele yele woo kɔma dɔla bini zamesera putɛsuma la itesuŋa yɛla wa.
Yindeto yɛla za'a tɔgeri la fum n wan vɔna vom sebo ti la ana suŋa bo yinɛ la fu tadaana. Ŋwana iŋa pa'aleseko ti ba tara bɔ'ɔra nɛreba yele yele wuu kɔma la, de la putɛsuma la itesuŋɔ yɛla ti tu kaalɛ zuon wa la
La de la dɔgera woo, kiinduma woo, sukuu bii yindeto puusin woo ba dole la sosi'a puan dikera putɛsuma wa bii itesuŋɔ yɛla wa bɔ'ɔra Nɛreba yele yele wuu kɔma. Ba dole la ka'aŋɔ, sɔlema la lɔɔ duma bii wara , yuuma ta pa'asɛ sɛba n de pa'aleba la nɛrebasɛba n vɔi ba vom se'em la pa'ala.
Naresum la itesuŋɔ yɛla sum yɛla
[demese | demesego zia]Ba basɛ ti nɔyinɛ bɔna tiŋa bii so'olum bii yire puan
Ba basɛ ti suma'asum la nɔŋerɛ n bɔna Nɛreba zi'an
Ba basɛ ti maalegɔ n kina ya vom la tisi la puusin.
La basɛ ti nɛreba na'asa taaba
La basɛ ti kɔma n tara yɛm
La kelum basɛ ti tuumfi'isa kan bɔna tiŋa puan bii yire puan.
Reference Abiriya Martin 2003 B.ed Degree, Ghanaian language (Gurenɛ).