Morna

Morna

music genre, type of dance

Subclass of	music of Cape Verde
Indigenous to	Oslo
Country of origin	Cape Verde, Norway
Intangible cultural heritage status	Representative List of the Intangible Cultural Heritage of Humanity, Immateriell kulturarv
Described at URL	https://ich.unesco.org/en/RL/01469, https://ich.unesco.org/fr/RL/01469, https://ich.unesco.org/es/RL/01469

morna (Portuguese la Cape Verdean Creole duma tinsi tɔgum puan ti ba wi'ira: [ˈmɔɾnɐ]) a de la Cape Verde tiŋa duma yuuma la ba wa'asi buuri buuri.

Ba ni baana de yuuna la Cape Verde duma tiŋa tɔgum puan, de de’eŋo la lɔgerɔ ni dɛna la ‘cavaquinho, clarinet, accordion, violin, piano’ la ‘guitar’.

Cape Verde tiŋa duma za’a nyaa nam ti ‘Morna’ dɛna tiŋa la za’a yuunɛ, bii ‘fado’ n de Portugal duma tiŋa yuunɛ se’em la, ti ‘tango’ me dɛna Argentina duma tiŋa yuunɛ, dee ti ‘merengue’ me dɛna Dominican Republic tiŋa duma yuunɛ, ‘rumba’ me dɛna Cuba tiŋa duma yuunɛ  la ba zo’e zo’e.

De tiŋa wa za’a puan yunyuuna mina ti ba mina ti a yuuni la Morna de la Cesária Évora. Ba me kelum ŋmɛ’ɛra Morna la Cape Verdean tiŋa duma yuuma buuri la basɛba Cape Verdean tiŋa duma nɛresɛba n yese tiŋa la puan tee siŋɛ ta bɔna tinsi basɛba puan la, magesi wuu, ‘New England’ n boi US tiŋa puan la, ‘Portugal’ tiŋa puan, Netherlands tiŋa puan, France tiŋa puan, West Africa tinsi puan la tinsi’a n boi ‘Latin America’ tinsi so’olum bɔba la.

Bii n de yuum buuri wa (As a music genre)

Bii n pugum dɛna yuuma buuri kayima la, Morna aŋa de la, a tari la daalesum pa’alɛ ti a ŋmɛ’ɛrta fifi (lento tampo), a kelum tara voole ŋmɛ’a zi'an buyi (saŋa ka sɛka a tari ŋmɛ’a zi’an bunaasi), n kɔ’ɔm ana se’em buuri malema puan de la a tari la ‘harmonic’ aŋa dɔla n ŋmɛ’ɛri vileŋera kaara paara bunuu zuo,ba san diŋɛ maasum a baaŋɔ la ba’asɛ doose yuuma ‘strophes’ la puan ti a malum maala ba suŋa. Morna kɔ’ɔm dee la a dɛna ‘monotonic’, ba la basɛ ti ba maalɛ e doose la ‘tonality’ aŋa. Maaseŋɔ sɛka n ni ka dikɛ gaŋɛ ‘tonality’ a yila duma la me kɔ’ɔm bɔna mɛ, la de la sɛla n pa’alɛ ti fu ze’ele la fii zi’an wɛ’ɛsa zo’e zo’e zi’an bii la tulese mɛ.

Harmonic aŋa

N me pugum kɔ’ɔm ana se’em dibeerum dela, morna nani la kaarɛ bunuu. Harmonic nɛŋa tɔlega ni pɔseri la ŋmɛ’a butã puan n de a kɔɔti la (a chord bii tonic) dɔla ‘tonality’ aŋa kasɛka puan, Mina n tagelɛ buyi zuo bunuu la puan la me ni pɔsɛ la fifi (subdominant), butã zuo la me ani me wuu wia daana la bunaasi zuo daana la, bana n boi zuon bunuu la za’a puan (dominant seventh). ‘chords-tonic’ duma wa n de ŋmɛ’ɛsi bunuu zuo buyoopɔi puan (dominant seventh), ŋmɛ’ɛsi bunaasi zuo (subdominant) nboi Cape Verde tiŋa puan la tari la yu’ura n de wuu “primeira”, “segunda” and “terceira” ti ba vuurɛ dɛna wuu, wia, buyi, butã kɔ’ɔm doose ba ga se’em la, ti nɛra woo mina yu’ura wa yele. Magesi wuu, ba san pɔsɛ yuuna yuunɛ bala bala, voole dɛna wa tari yu’urɛ mɛ ti a dɛna “primeira de Lá menor” (A minor's first), ti ‘E 7th chord’ la me tara yu’urɛ ti la dɛna “segunda de Lá menor” (A minor's second) dee ti ‘D minor chord’ me tara a yu’urɛ ti la dɛna “terceira de Lá menor” (A minor's third).

Dee, a aŋa la kɔ’ɔm doose la n nari ti a ana se’em naana ‘harmonic’ sogelum taaba bɔna morna puan. Pɔsega puan, a aŋa la kɔ’ɔm ana me suŋa suŋa dee ti pooren ti sɛla ti ba wi’ira ti ‘chord’ la wa’am (fu kelum ta’am bisɛ ŋwana wa doose a tuulesum la puan). Buyi puan mɛ, a aŋa kɔ’ɔm ka dɛna pɛgerɛ. Yunyuuneba zo’e zo’e yele yele wuu nananewa yunyuuneba la nyaa ta’am dikɛ ŋmɛ’ɛsi yima yima pa’asɛ bini mɛ ŋmɛ ba yuuma la.

Melodic aŋa (structure)

 morna yuuma n voole se’em, ± 60 bpm.

Melodic mia n boi morna la boi la yima yima yuuma la za’a puan, ba sɛba pɔsera tiŋa zɔna ti ba sɛba me pɔsera zuon sigera dɔla ba baasi puan, dee fu me san kelum bisɛ ba yelebɛa la ka zuni taaba. Morna aŋa kasɛka nananewa dela ‘syncopation’, kɔ’ɔm ana suŋa suŋa, yelebire diyima ta’am ni ka voole zom zuon.melody voole voolenyɛlegɔ pɔsega la puan la pusuka ba’asegɔ la puan.