Nu'o Ŋmɛa

Nu'o ŋmɛ'a de la sɛla n de yelezure tu buuri pɔgedire malema puan. Tu buuri malema puan budaa san di pɔka gee ka ŋmɛ ka nu'o ka nan de la a zɛba. Nu'o ŋmɛ'a de la budaa n di pɔka gee dikɛ nua n de nɔdɔmɔlega,taba, gu'urɛ, la daam (apataasi) ta bo pɔgesigera ti a tari kiŋɛ pɔka la sɔ yire. A san ta paɛ pɔka la sɔ yire, bama me wan doose e tari lɔgerɔ la kiŋɛ sɔbia yire. Sɔbia yiduma la san toe nua la, ba ni dikɛ ka pa'alɛ la ki'induma ge basɛ nua la ti ka ɛɛra.Pɔka San ele ti ba san ka ŋmɛ a nuo ka eere ita la n boti n sem doose yese n de pɔge seka taaba bee n bo'ore amɛŋa gerema sem.

Nu'o ŋmɛ'a wa me dela sɛla n gu'uri ti pɔka la dale makɛ ga'arɛ la budaa yoo San dagina ka sira la.ka san sina gee iŋɛ bala ,ka iŋɛ la sɛla ti ba yi'ira ka ti buŋa bii ka iŋɛ la bu'usi .pɔka la ta'am bɛ ta ki ka San ka purɛ(yele).bii ka bia bɛ ta ki bii ka sira la bɛ ta ki. Gee ka San yele,malema bo mɛ ti ba wan iŋɛ ti la du'ulum ta'alɛ la.