Pɔgedirɛ Kasina buuri puan

Kasina duma deti ba yi'ira ba ti yuulesi la, boi la Navɔreŋɔ. Kasina duma n doli sosi'a dita ba pɔka n ŋwana. Pugela la san ta seke ele, a wan kiŋɛ ta yele a mam ti eŋa ye'esi la zi'an. Ti a ma la mina ti a seke la ele. Daanse'ere ti a yɛ'ɛsa la, a wam gura ti nɛra woo ta ginsera ti ka sireba la nyaa wa'am na tare e kule.

Gee san sɛka ti a sireba la ta kina na la, ti ba tari e kule la, a sira la taaba la wan zi'a la sore gee gura ba. Ba san kɔ'ɔm ta tari pɔka la paara na la ti ba kɔ'ɔm kɔkɛ ka kula budaa la yire ti nɛreba la n bo tiŋa la puan la nyaa wam baŋɛ ti nɛra n di pɔga. Di daarɛ la, tiŋa nɛreba nyaa wan lagese na dɛ'ɛna gee dugɛ dia ti ba di gee nyaa kule.

Dabesa a naasi daare ti a sireba la kiŋɛ pɔka yire paɛ yele ba ti ba bia la boi la ba zi'a ti ba wa'am na ti ba yele ba gee mɛ naŋego ni la n daa lu la. Sɛla n sɔe ti ba yele ti ba wa'am mɛ na ti ba mɛ nagon la dela, ba buuri la puan bugela san ni elɛ, ba ni tɛɛsi ti wa'amzayɔɔrɛ yesɛ gee a da'a la nagone basɛ gee yesɛ bala zuo ti ba yeti ba wa'am mɛ na ti ba mɛ boi ba.Yuulesi la tare sirasakere ti pɔka san elɛ a doosere la naŋegoni yesera.

Ti ɛŋa n yese la ti la lu. Ba San kina na ba tari la yarum, kû.wa'am. Gee la san ta paɛ bakɔi gee pugela la yire duma nyaa kiŋɛ ta toe ba lɔgerɔ Ba San na paɛ ,ba na sî la nu'a no ba ti ba ɔbɛ basɛ gee ti pɔgela la duŋɛ dia ti b a di gee ti ba nyaa ku baa dugɛ ti budibe nila la da'a fuu boi a pɔga la tã gee mɛ nyaa boi a dɛɛm pɔga la pɛsigɔ.

Ba wa'am basɛ gee nyaa tara sɛla n gee tare kulɛ. Sɛla n de nim mogerɛ pa'a de la baa la. Ba San ta iŋɛ ŋwana ba'ase la gee ti ka sirebala nyaa masum piise ba yopɔi , ki'ini 21 la nii bayi la yarum la ŋwane piise

nyaa Tara kiŋɛ ta boi ba gee ti pɔka la nyaa dɛna ba pɔga.