Pokuurɛ

Pokuurɛ de la yu'urɛ ti farefari duma tara yi'ira pɔka sira n ki dee basɛ ka. Ba san dena bayi bii ba zo'e gaŋɛ bayi ba ni yi'ira ba la pokɔpa. Dee ayila de la pokuurɛ. Pokuurɛ dagi pɔgesɛka n ka tabelɛ ele. Amaa a de la pɔka n ele dee ti ka sira la ki de dee ka basɛ. La san ni eŋɛ bɛla dee ti pɔka la tara kɔma ka sira yire la puan, ka ni dikɛ la budaa nae en bɔna. La dagi pɛrekerɛ ti pokuurɛ la dikɛ budaa dee a mɛŋa san bɔta ti a dikɛ.

Pokɔpa basɛba boi me ni pugum ka bɔta ti ba dikɛ budaasi yeleyele bii ba san diŋɛ dɔgɛ paa buta bii bunaasi ye'esa.

Basɛba me boi me ti ba sireba san kɔ'ɔn ki ba ni kɔ'ɔm yese me ta malum ele. Yeleyele bii sɛba n ni pugum nan ka dɔgɛ dee ti ba sireba ki la bii sɛba n ni dɔgɛ buyila bii buyi ma'a dee ti ba sireba ki la.

Yɛa a si'a boi me ti budaa la san ki, ba ni ku la nua lobeke ti pɔka la wan ta'an ɛɛra dee ti sisiko bii busi ka dola ka.