Rockson-Nelson Etse Kwami Dafeamekpor

Rockson Nelson Etse Kwami Defeamekpor dela Gaana gɔmena nalɛgera, eŋa n de South Dayi so'olum MP n boi Volta Region So'olum la puan. A ze'ele bo la Ama'asumtia (NDC) la.

A vom pɔsega la a sukuu yɛla

Defeamekpor yuum siŋɛ la Cape Cost Yunivɛsiti la ta zamesɛ to'e B.Sc degree in tourism. A kelum siŋɛ Gaana Yunivɛsiti la puan ta zamesɛ ba'asɛ to'e LL. B.

Ayuum ka vo'ose de le tukɛ tole Gaana wara sukuu(Ghana School of Law) la puan ta zamesɛ lebege Barrister at Law.

Tuuma yɛla

Sɛla n kɔ'ɔm ba'am pakɛ e de la dɛna Dafeamekpor so'olum Palimɛnti kukadaana. A yuum de la "Senior Associate" bɔna Hayibor, Djarbeng and Company law firm n boi Kokomlemle, timbila diyima n boi Accra.

Gɔmena Na'am yɛla

A yuum pɔsɛ kɛ palemɛnti doose la 2016 Gaana tiŋa wa za'a loosego yuunɛ puan, ti a yuum di mi'a doose la nɛreba la za'a kãlɛ puan ti a yuum nyɛ 71.44% ba di'isego puan. Ŋwana wa yuum basɛ ti a nyɛ 8% nɛreba puan pa'asɛ amiŋa. 2020 na'am loosego yuunɛ la puan ti a yuum le nyɛ nɛreba gaŋɛ bala dɛna la 72.7% nɛreba la za'a kãlɛ puan.

Amiŋa vom yɛla

Dafeamekpor de la nasaawimpu'usegɔ la nɛra dee ti a me yuum tara pɔga la kɔma banaasi.

Dɛŋa yɛla

Salurego ŋmarega la puan a dabesa pia la anaasi, 2021 yuunɛ la puan ti ba yuum yeti a nyɛ la dɛŋa Aveyime palɛ zuon boi Volta So'olum la. Ba yeti KIA matɔgekãtɛ n yuum ŋmɛ a matɔka la to a lui bilum sugum nuurɛ buyi. ti yuum gari e siŋɛ ka tibɛ 37 Military Hospital la puan.