Saɣebɔ

Sagebɔ de la disɛka ti Farefari duma dita daarewoo.

Tu tari sagebɔ buuri buuri mɛ. Busebo de la:

- Kɛmɔlega Sagebɔ

- Naara Sagebɔ

- Karenyɛɛna Sagebɔ

- Zɛa sagebɔ

- Mui sagebɔ

Fu ni san yeti fu mɔm sagebɔ, fu ni tuurɛ la bugum dikɛ dukɔ la ko' om dugelɛ. Ko'om la san ta kɔrɛ ti fu bum zom la ka'ɛ iŋɛ bini gee gurege suŋa suŋa ti ko'om la zom la naɛ taaba. Bala de la fu yuulum la sagebiirɛ n bala. Sankana, see ti bugum zo'e ti sagebiirɛ la ta'am kɔrɛ bi'ɛ. SageBiirɛ la san bi'ɛ ti fu nyaa iŋɛ zom la iŋɛ bini guregera (mɔm) ti la naɛ suŋa suŋa.

Sagebɔ la mɔŋa saŋa la, bugum la ka nari ti bu zo'e, bala ti sagebɔ la wan tara paŋa (zɛkɛ) gee kan iŋɛ maanɛ. Sagebɔ la me san zo'e mɛ, fu sagebiirɛ la san bi'ɛ, see ti fu kabegɛ busebo ze'ele mɔna gee yɔlesa.

Fareferi buuri puan, tu ni kɔ sagebɔ iŋɛ la laasi puan. Gee Tiŋa la n tee la, basɛba ni kɔ pɔbɛ la wurɔba puan ti bala ti bu kan ma'ɛ. Fu ta'am dikɛ sagebɔ suke zɛseto woo ti fu bɔta. Magesɛ wuu, bitɔ, bɛresi, kunkɔgerɛ la bunsɔɔlegɔ (ma'ankɛ'ɛsi bii ma'amma'asa, tokarema'asa bii bunkɛ'ɛsi, sampareŋa, ayooyoo, vɔɔmpuuro la saalum).

(La me san dɛna la mui sagebɔ, ko'om la san kɔrɛ, ti fu yiilɛ mui iŋɛ bini.la san bi'ɛ ti fu mɔm nyaa kile. Mui sagebɔ me ziirɔ de la sukaam, sama, miri la abɛ ziirɔ). Yelesum buna wa ka pa’asɛ sagebɔ puan. Gulesa la maan bisɛ gee demese