Sustainable Development Goal 4

Sustainable Development Goal 4 Gee ti ba ŋmaɛ gi'i ti SDG 4 bii Global Goal 4 la tɔgeri la gɔŋɔ zamesegɔ suŋɔ di me pa'asɛ la timmaalegɔ yɛla pia la ayopɔi la puan ti Tisi nɛŋa tɔlega yizuo la ba yi'ira United Nations la yuun pɔsɛ Fɔɔ ŋmarega, 2015 yuunɛ la puan la. SDG 4 yelesum la Zuo za'a de la "Ba basɛ ti gɔŋɔ zamesegɔ suŋɔ paɛ nɛrawoo ma'a ma'a ti yelegere ka bɔna bini gee me basɛ ti vom yɛm zamesegɔ yɔ'ɔ yue bo nɛrawoo". [2]

SDG 4 tari la yɛla pia ti ba tara yɛla asi'a n de pia la ayima bisera nyaa ba ta'am tum tuum-ana wa. Yɛla ayopɔi si'a ti "ba bɔta ti ba'adegɔ puan ba nyɛ la" de la: Zaalum gɔŋɔ zamesegɔ bo pɛremiri la sɛkɛndire sukuu zamesegɔ; nɛrawoo ta'am nyaŋɛ kiŋɛ Sukuu, tuuma zamesegɔ Sukuu ligeri yɛla sige tiŋa bo nɛreba, nɛresɛba n tari ligeri tuuma yɛm ta'am nyɛ fole, loosego da bɔna yɛsera gɔŋɔ zamesegɔ puan, nɛrawoo ta'am kãala gee gulesa, ti timmaalegɔ yɛla tole nɛŋa bo nɛrawoo tiŋa wa. Sɔa atã ti ba yeti ba doose ta'am basɛ ti yele-ana wa tum de la: ba mɛ Sukuu deto bunsuma bo nɛrawoo, basɛ ti gɔŋɔ zamesegɔ tole nɛŋa fola ti ba yi'ira 'scholarships' po paɛ nɛresɛba woo n nari la, gee basɛ ti pa'aleba zo'e zo'e bɔna Sukuu duma la puan pa'ala tisesi n nan tole nɛŋa timmaalegɔ puan la.