Yiwia

Yiwia de la pugela n seke ele dee ka ele. ŋwana ni iŋɛ dɔla la pugela la San ka tara halɛ sunɛ, bii a dɔgereba San tɔ'e e zi'ire yire, bii ka San koŋe budaa ti ka ele bii ba'a San nyɔkɛ ka ti budaasi li'isa e, (magese wuu kunkone n ŋmaɛ e bii kinki'ire n nyɔkɛ e) bii ka san ka mina ka miŋa lɔkerɛ bii ka miŋa San pugum ka bɔta ele.

Yele ana n de sɛla n baseri ti pugela wee yiwia.

Ba wi'iri yiwia kɔma la tã Kɔma. A kɔma ka tari tɔtɛ kua puan. Yiwia tã san di pɔga, a tã pɔga la wi'iri e la a pɔsɛa.

Yiwia ta'am bɔ budaasi paa pia dee ti kiseko ( busi) ka dɔla e.

Yiwia kɔma sɔ ni dɛna la ba ma la sɔ. Farefari yɛla puan, yiwia ka tari zuo tiŋa puan. Nɛreba ka yageseri dee kɛsera e.

Yɔɔma kɔma ni kɔ'ɔm ti'isa ti pokuurɛ la yiwia de la zuŋɔ yiŋɔ dee la dagi bela. Ba boi la tɔkatɔka.

Pokuurɛ de la mina sira n ki dee yiwia de la mina n pugum ka tabelɛ ele.

A yima me boi ti ba wi'ira ti 'a ele dee leme' dee n wan tɔgɛ a lɛma yele bɔna pɛgerɛ diyima puan.