Zuwɔreŋɔ Nyɔkukɔ

Zuwɔreŋɔ Nyɔkukɔ de la timbila m boi Zuwɔɔreŋɔ so'olum bɔna Gaana saazuo bɔba so'olum. Zuwɔɔreŋɔ Nyɔkukɔ ka zaɛ la Zuwɔreŋɔ da'a la ti ba yi'ira Tu'an la. Pa'ala ti ba diti ba da'a la bilam.

Nyɔkukɔ nɛreba de la Zuwɔresi tɔgera la Gurenɛ tɔgum. Ba nɛreba kãlɛ gaŋɛ kɔbesinuu mɛ yɛ'ɛsa.

Nyɔkukɔ duma voteni la Zɔnɔ 'electoral area' ti bilam ti ba lɔɔsa ba bena duma Gɔmena nalɛgereba.

Nyɔkukɔ wa diimin sa bii di yu'urɛ la dagi bala gee yese la Solemiisi la n eeri gulesea tisi yu'ura sansɛka la, ba yuun ka tari nɛresɛka n mi gɔŋɔ wan tu buuri la puan ti a wan ta'am gulesɛ di suŋa doose yi'a la puan. Gee ti Solemiisi la me ka tana tɔgera Gurenɛ la zuo ti ba ba yuun yɛrum gulesɛ ti Nyɔkukɔ amaa la de la Nyɛkulega.

Se'ere zuo n sɔi ti ba yuun sɛgɛ tiŋa yu'urɛ ti Nyɛkulega la de la tu yaaba la suɔ n nyɛ nɔkpe'ene sankaŋa ti ba yuun lagum ze'ele la Booŋo Anaafɔ biisi wa zi'ire lBimbim biisi n boi Zuwɔreŋɔ so'olum. Ti ba boi la bilam gee doose la nɔkpe'ene la zuo ti tumam yaaba la yuun isege maalum ɛ zi'an bɔna. Ti a yuun bo la ti la iŋɛ saŋa ŋwana fiin wa ti a suɔ la yuun le yi e ti a lebena. Bilam ti a yuun lebese yeti aai eŋa nyɛ kulega zi'an ti a bɔna wan ta'am mɛ deo gee nyuuse a dusi gee kɔ bala la eŋa kan lebena.