Adaakɔya

Adaakɔya [à'dáa'kɔ́yà]

Adaakɔya de la Farefari buuri malema ti ba malena ti la dɛna kibesi bɔ'ɔra ba ti ba dita gee dɛ'ɛna yuunɛ woo saŋa sɛka ti ba ni ta dikɛ dia ba'aaɛ se'em ma'a la. Ti ba san ni ta dikɛ dia ba'asɛ, ba ni yeseɛ ta e bɔgerɔ sɔsɛ la yaabeduma baŋɛ sɛla la sɛla n nari ti fu dikɛ bo yaabeduma la dee nyaa lebe ta sɔsɛ la fu buuri la za'a, ya nyaa wan maasum sɛla n nari la dee nyaa lo'e dabeserɛ la. Dabeseri was san ta pɔra, ba wan sirɛ bii kɔgɛ daam la dia buuri buuri ti ba bo yaabeduma la fara le bama n gureba tuuma la puan dee me kelum basɛ ti dia la iŋɛ suŋa suŋa la, ba me wan kelum zusɛ ba ti ba basɛ ti dia la tara tibesum bɔ'ɔra ba dee me kelum gu ba'asi dia la zuo bask. Ba ni san kãabɛ bo yaabeduma la ba'asɛ, nɛrawoo nyaa ni ta'am dita, nyuura dee ɔbera

Dɛ'ɛno zo'e zo'e magesi wuu gulo, kɔ̃lɔ, duuresi, bĩma, yɔnɔ, nansansi duma, la anaanuurɛ pɔgesi nyaa ni dɛ'ɛna ti nɛrawoo nyiina gee wa'ara.

Dagi bala ma'a gee la ni kɔ'ɔm dɛna la nɛreba ma'a ma'ara yinɛ ti nɛreba kɔɔsa dia iri iri magesi wuu koose, tankɔmbiya, ma'asa, dãtɔ buuri la Lɔgerɔ zo'e zo'e. Yɛa puusin me, da'aŋa woo ni dugɛ la dia tɔrɛ yizuto ti la ni kɔ'ɔm dɛna nyiima la pupeelum bɔ'ɔra nɛrawoo.

Nɛresɛba me m boi mu'u sa magesi wuu Kumaasi, Ankãra hali la Solemitisi, ni kule me na ti ba po di Adaakɔya beni zuo, di de la buuri malema la dɛ'ɛma n tari nɔnyinɛ, timmaalegɔ la pupeelum bɔ'ɔra Farefari buuri woo.