Ata'ampuurum

Wuu yu'urɛ la n pugum dena se'em la, ta'ampuurum kɔ'ɔm kaɛ mum me la ta'asi. Ta'ampuurum so'olum pa'asɛ la kɔlego Aguusi 'electoral area'. Ta'ampuurum duma lagum dita la Sumbrungu da'a la ti ba yi'ira ti Sumbrungu Santa la.

So'olum la kɔ'ɔm zo'e me la yine pu'useba bii seba n sini faarɛ yea la nɛreba fii wa n kpa'ari zuto. A ka pu'usi duma la me kɔ'ɔm zo'e me Ta'ampuurum so'olum la puan. Ta'ampuurum duma ka tari ba asibitum n boi ka tɔka dee ba pɔgepuusi duma la kɔmbibesi lagum sina la Aguusi kɔma dɔgeta yire (Aguusi CHIPS compound) la puan bisa ba mɛsi. Baseba me sine la Santa dɔgeta yire la puan tibera ba mɛsi.

Ta'ampuurum de la timpika n boi sumbureŋɔ (Sumbrungu) tiŋa la puan, Bɔlega so'olum la puan. Ta'ampuurum boi la sumbureŋɔ Zɔkɔ paledɔɔ la zuo. Fu san dɔla Zɔkɔ la Sumburuŋɔ paledɔɔ la zuo san paɛ Ata'ampuurum zɔɛ basɛ dee tɔla, fu nyaa we'eseri la Sumbureŋɔ gɔmɛti sukuu kãtɛ la ti ba wi'ira ka ti 'Bolga technical university' (B pɔli) la puan. Ta'ampuurum tari la kɔmbibesi sukua ayi' ti ba wi'ira 'basic schools' la. Sukua wa de la, Ata'ampuuru A la Ata'ampuurum B.