Environmental issues in Southern Africa

South Africa tiŋa kɔrenkɔrum tari la daaŋɔ zo'e zo'e, magesi wuu, Yileŋa teere, tiŋa, ko'oŋ, tiisi lubega, tinsageŋɔ, la sageŋɔ. 'Southern Africa' la miŋa, gee dagi South Africa ka tari kusebego seko ti ba yi'ira ti 'carbon' la zo'e amaa ka to'ori Yileŋa teere n tari yɛla zo'e zo'e magesi wuu saa yɛla,^[1] tuulega. Southern Africa sagum ba Lɔgerɔ me zo'e zo'e zɛgera ti ta'am vɔna yɛsera la ba nɛrekãlɛ la n kɔ'ɔm pa'asa la zuo la tiŋa la kɔrenkɔrum n sageni la ti ba bɔta ti ba maalɛ la zuo. Southern Africa dɔɔrɔ, la ba lɔgesi'a ti b ɖea maala n de ba nɛŋa tɔlega bunɔGee ti so'olum kuna wa me kɔ'ɔm dɛla la lɔgetuna. Ba kelum kina nɛŋa sagena ba tiŋa lɔgerɔ la n sɔi ti ba bɔna ba n boi bɔnsɛka zinabeere wa.

Tuusum yɛla

Tinsesi n boi Southern Africa dela: Angola, Botswana, Eswatini, Lesotho, South Africa, Malawi, Mozambique, Namibia, Zambia la Zimbabwe. South Africa kaɛ Losotho basɛ tiŋasuka (Losotho boi la South Africa tiŋasuka)

Tinsageŋɔ yɛla asi'a n sagum ba kɔrenkɔrum la n ŋwana: ko'om dɛka, kusebego dɛka, tiŋa la sageŋɔ, sɔgerɔ lɔbega la tiisi lubega . Ba kɔrenkɔrum wa n dɛgɛ la zuo, daaŋɔ la ka paɛ ba imma'asum yɛla ma'a, gee pa'asɛ la Dunia Yileŋa tinteere la puan.

Ko'om yɛla

Southern Africa daansedaarɛ kuyima de la ba ka tari kosumɔ. Tigere diyima ti ba yi'ira ti 'United Nations Conversation Climate Change' n boi South Africa 2000 yuunɛ la puan yuun yeti ko'om n boi nɛresabelega tiŋa pu mɛ bo tisi woo pa'ale ti piyoobi kɔbega puan (60%) n gãi timpaberɛ la zuo de la pisiyi kɔbega puan (20%) ma'a ^[2] kosebo n boi Southern Africa ti ba wan ta'am paɛ ka paɛ pia kɔbega puan (less than 10%) gee ti ba ba ko'om la zo'e zo'e bɔna la tiŋa sa taŋa leŋen la zuo, la kpe'em mɛ ti ba nyɛ ko'om tiŋa. Tinteere la di yɛla ta'am tari sageŋɔ la daaŋɔ wa'am sanire la tuulega bii ma'arɛ n zuni se'em puan na.

Nɛresabelesi zo'e zo'e baseri timbibesi la mɛ gee kina tinkãra la puusin basera ti kosumɔ Yɛla la maan kina nɛŋa^[3] gee ti nɛreba me n boti sɛla la me maan zɔ'ɔra pa'asa mɛ ti kosumɔ me ka zo'e. Ze'ele 2010 la puan, Durban mɔgerɛ la kiiseri me wuu pisiyi, kɔbega puan (20%) la ze'ele 2010 yɛ'ɛsa sa kosebo ti nɛreba zu wan ta'am paɛ pita kɔbega puan (30%)^[3]"1996 yuunɛ la puan, ba yuum viisɛ baŋɛ ti kosebo n ni zɔ tole de la '150 million cubic meters' yuunɛ woo, 33 290 million cubic meters' gee ti kosebo ti nɛreba tara tuna yuunɛ za'a San lagum taaba la ta'am dɛna 20 045 million cubic meters'. Tigere se'ere ti ba yi'ira ti Department of Water and Forestry, 2000 yuunɛ puan, yuum yeti nɛreba ta'am ta bɔta ko'om 2030 yuunɛ la puan ti paɛ 50%.

La de yelemɛŋerɛ ti South Africa n tari kosumɔ gana za'a Southern Africa tiŋa, zo'e zo'e ka ta'am nyɛ maalegɔ yɛsera dɛgerɔ puan.^[3] Southern Africa nɛreba zo'e zo'e ka nyɛti kosumɔ. Ba ko'om la zo'e zo'e tari la dɛgerɔ basera ti bãsesi n doli ko'om puan nyɔgera nɛreba la ba'am nyɔgera nɛreba. Ko'om puan bã'asi mia sisesi n ŋwana; ' Hepatitis A la Hepatitis E' zɔ'ɔra ba tiŋa la puan gee ti ko'om la dɛgɛ ta paɛ beense'ere ti bãsina wa me nyaa dɔla ko'om puan nyɔgera nɛreba: typhoid fever, Leptospirosis, schistosomiasis la Bilharzia.

Viisɔgɔ Lɔgɛrɔ

↑ https://doi.org/10.1080%2F10220461.2017.1421479
↑ Water Pollution. The Water Wise Education Team, Scientific Services Division. Retrieved 12 May 2013.
↑ ^3.0 ^3.1 ^3.2 Tiɛ tuure: Invalid <ref> tag; no text was provided for refs named wwf

[1] ttps://doi.org/10.1080%2F10220461.2017.1421479

[2] Water Pollution. The Water Wise Education Team, Scientific Services Division. Retrieved 12 May 2013.

[wwf-3] 3.0 ^3.1 ^3.2 Tiɛ tuure: Invalid <ref> tag; no text was provided for refs named wwf

[1]

[2]

[3]